ગુજ'રાજ' 2022 / VIDEO: ગુજરાતનાં મિનિ આફ્રિકામાં વોટિંગને લઈને જોરદાર ઉત્સાહ, નૃત્ય કરીને મનાવ્યો જશ્ન

• ગુજરાતનું મિની આફ્રિકા!
• જંબુર ગામના લોકોમાં ઉત્સાહ
• મતદાનના દિવસે મનાવ્યો જશ્ન

આજે રાજ્યની 182 બેઠકોમાંથી સૌરાષ્ટ્ર-કચ્છ અને દક્ષિણ ગુજરાતની 89 બેઠકો પર સવારે 8 વાગ્યાથી મતદાન શરૂ થઈ ગયું છે. રાજ્યના 19 જિલ્લાના 25 હજાર 430 મતદાન મથકો પર પ્રથમ તબક્કાનું મતદાન શરૂ થયું છે. પ્રથમ તબક્કામાં 2 કરોડ 39 લાખ 76 હજાર 670 મતદારો સાંજના 5 વાગ્યા સુધી પોતાના મત્તાધિકારનો ઉપયોગ કરશે. પ્રથમ તબક્કાની 89 બેઠકો પર કુલ 788 ઉમેદવારો મેદાનમાં છે. આ 788 ઉમેદવારોનું ભાવિ આજે EMVમાં કેદ થશે.  

જંબુર ગામના મતદારોમાં ઉત્સાહ
એવામાં ગુજરાતના મિની આફ્રિકા ગણાતા જંબુર ગામના મતદારોમાં અનેરો ઉત્સાહ જોવા મળ્યો હતો. આજે ગુજરાતમાં પહેલા તબક્કાની ચૂંટણીમાં સૌરાષ્ટ્ર-કચ્છ અને દક્ષિણ ગુજરાતમાં મતદાન છે અને એ જ સમયે ગુજરાતમાં મિની આફ્રિકા તરીકે ઓળખાતા સોમનાથના જાંબુર ગામમાં મતદારો તો જાણે આ મતદાન ઉત્સવ હોય તે રીતે ત્યાંના લોકો વર્તી રહ્યા હતા. જણાવી દઈએ કે મતદાનના આ મોકા પર  જંબુર ગામના મતદારોમાં ઉત્સાહ એટલો હતો કે જાંબુર ગામના લોકો તેને ઉજવવા માટે નૃત્ય પણ કરી રહ્યા હતા. જો કે મિની આફ્રિકા ગણાતા જંબુર ગામના મતદારોને એમના વિશેષ આદિવાસી બુથ પર મતદાન કરવાનો અવસર મળવાથી ત્યાંના લોકો આ મતદાનને એક ઉત્સવ તરીકે ઉજવી રહ્યા છે. 

#WATCH गुजरात के मिनी अफ्रीकी गांव जम्बूर के लोगों ने अपने विशेष आदिवासी बूथ में मतदान करने का पहला अवसर मिलने पर जश्न मनाया। (30.11)#GujaratElections pic.twitter.com/S6qDsAcAi5

— ANI_HindiNews (@AHindinews) December 1, 2022

વિધાનસભા ચૂંટણીના પ્રથમ તબક્કાની બેઠકો
19 જિલ્લાની 89 બેઠકો પર થશે મતદાન
કચ્છ, સૌરાષ્ટ્ર અને દક્ષિણ ગુજરાતની બેઠકો પર મતદાન

મતદાનનો સમય
સવારના 8થી સાંજના 5 વાગ્યા સુધી

કુલ ઉમેદવારો
89 બેઠક પર કુલ 788 ઉમેદવારો મેદાનમાં
39 રાજકીય પક્ષોના ઉમેદવારો મેદાનમાં
718 પુરૂષ ઉમેદવારો
70 મહિલા ઉમેદવારો

કુલ મતદાતાઓ
2,39,76,670 મતદારો કરશે મતદાન
1,24,33,362 પુરૂષ મતદારો
1,15,42,811 મહિલા મતદારો
497 અન્ય મતદારો
કુલ 163 NRI મતદારો
125 પુરૂષ અને 38 મહિલા NRI મતદારો

કુલ પોલિંગ બુથ
કુલ 25,430 મતદાન મથકો
શહેરી વિસ્તારમાં 9014 મતદાન મથક
ગ્રામ્ય વિસ્તારમાં 16 હજાર 416 મતદાન મથક
પ્રથમ તબક્કામાં 14 હજાર 382 સ્થળો પર મતદાન
3 હજાર 311 શહેરી વિસ્તારમાં મતદાન
11 હજાર 71 ગ્રામ્ય વિસ્તારોમાં મતદાન
89 મોડલ મતદાન મથકો 
89  દિવ્યાંગ સંચાલિત મતદાન મથકો
89 ઈકો ફ્રેન્ડલી મતદાન મથકો 
611 સખી મતદાન મથકો
18 યુવા સંચાલિત મતદાન મથકો

કુલ EVM
કુલ 34,324 EVM અને 38,749 VVPAT મશીનોમાં થશે મતદાન