ગઇકાલની શાનદાર મેચ વચ્ચેનો ટીમ ઈન્ડિયાનો એક વીડિયો સોશિયલ મીડિયા પર વાયરલ થઈ રહ્યો છે જેમાં ટીમ ઈન્ડિયાના ત્રણ ખેલાડીઓ એક સાથે સેન્ડવિચ ખાતા જોવા મળી રહ્યા છે.
ટીમ ઈન્ડિયાનો એક વીડિયો સોશિયલ મીડિયા પર વાયરલ થયો
ટીમ ઈન્ડિયાના ત્રણ ખેલાડીઓ એક સાથે સેન્ડવિચ ખાતા જોવા મળ્યા
મેચમાં બે ભારતીય ખેલાડીઓએ નાખ્યો જીતનો પાયો
ભારતીય ક્રિકેટ ટીમે 3 મેચની સીરિઝના બીજી T20 મેચમાં ટીમ ઈન્ડિયા એ ન્યુઝીલેન્ડને 65 રનથી હરાવ્યું હતું અને ભારતની આ જીતમાં સૂર્યકુમાર યાદવ, ઓલરાઉન્ડર દીપક હુડા અને અનુભવી લેગ સ્પિનર યુઝવેન્દ્ર ચહલે મહત્વની ભૂમિકા ભજવી હતી. જો કે T20 વર્લ્ડ કપમાં એક પણ મેચ રમ્યા વિના ઓસ્ટ્રેલિયાથી ન્યૂઝીલેન્ડ પહોંચેલા ચહલે શાનદાર બોલિંગ કરીને લોકોનું દિલ જીતી લીધું હતું. આ મેચમાં ચહલે કિવી ટીમના બે વિસ્ફોટક બેટ્સમેનોને પેવેલિયનનો રસ્તો બતાવ્યો હતો. જો કે આ શાનદાર મેચ વચ્ચેનો ટીમ ઈન્ડિયાનો એક વીડિયો સોશિયલ મીડિયા પર વાયરલ થઈ રહ્યો છે જેમાં ટીમ ઈન્ડિયાના ત્રણ ખેલાડીઓ એક સાથે સેન્ડવિચ ખાતા જોવા મળી રહ્યા છે.
વિડીયો થયો વાયરલ
ગઈ કાલે માઉન્ટ મૌંગાનુઇના બે ઓવલ મેદાન પર રમાયેલી બીજી ટી-20માં પણ વરસાદને કારણે થોડો સમય વિક્ષેપ પડ્યો હતો પણ એ બાદ મેચ ફરી શરૂ થીઆ હતી. જો કે વરસાદ પડ્યો ત્યારે મળેલ બ્રેક દરમિયાન કેમેરામેને ભારતના ડ્રેસિંગ રૂમ તરફ કેમેરાને ફોકસ કર્યો અને એ વિડીયો હાલ સોશ્યલ મીડિયા પર વાયરલ થઈ રહ્યો છે. વિડીયોમાં જોવા મળે છે કે યુઝવેન્દ્ર ચહલ સેન્ડવિચ ખાતા હતા અને સાથી ખેલાડીઓ સાથે વાત કરી રહ્યા હતા. એ પછી થોડીવાર રહીને શાર્દુલ ઠાકુર ત્યાં આવ્યો અને ચહલના હાથની બનેલી સેન્ડવિચ ખાધી હતી. જો કે આટલું જ નહીં એમની પાસે ઉભેલા મોહમ્મદ સિરાજ પણ પાછળ ન રહ્યા અને તે પણ સેન્ડવીચ ખાવા લાગ્યો હતો. આ વિડીયો એમ દર્શાવે છે કે ખેલાડીઓ વચ્ચે હસી-મજાકની સાથે એકબીજા પ્રત્યે પ્રેમ અને ભાઈચારાનું બંધન કેટલું મજબૂત છે.
બે ભારતીય ખેલાડીઓએ નાખ્યો જીતનો પાયો
સોશિયલ મીડિયા પર લોકો આ વીડિયોને ખૂબ પસંદ કરી રહ્યા છે.. પણ જો મેચની વાત કરી તો ટોસ હારીને પહેલા બેટિંગ માટે ઉતરેલી ટીમ ઈન્ડીયાએ નિર્ધારીત 20 ઓવરમાં 191 રન બનાવ્યાં હતા. ભારત વતી સુર્યકુમાર યાદવે આ મેચમાં ન્યૂઝીલેન્ડના બોલરોને પરસેવો પડાવી દીધો હતો. સુર્યકુમાર યાદવે 111 રન ફટકારીને આ મેચની જીતનો હીરો બન્યો હતો. તો બોલરોમા દિપક હુડાએ સૌથી વધારે 4 વિકેટ ઝડપીને ન્યૂઝીલેન્ડની ટીમને દબાણમાં મૂકી હતી અને આખરે ટીમ 20 ઓવરમાં 126 રન જ કરી શકી હતી.
સૂર્યકુમાર યાદવે ટી20 કરિયરની બીજી સદી ફટકારી
T20 વર્લ્ડ કપમાં સૂર્યકુમાર યાદવે જે શાનદાર ફોર્મ બતાવ્યું ન્યુઝીલેન્ડ સામેની T20 સીરિઝની બીજી મેચમાં પણ જોવા મળ્યું છે. સૂર્યા એ માત્ર 51 બોલમાં 111 રન બનાવીને શાનદાર ઇનિંગ રમી હતી અને આ ઇનિંગમાં તેને 11 ચોગ્ગા અને 7 છગ્ગા માર્યા હતા. સૂર્યકુમાર યાદવે માત્ર 49 બોલમાં પોતાની સદી પૂરી કરી હતી. સૂર્યકુમાર યાદવની ઇનિંગે કેવી રીતે વેગ પકડ્યો તેનો અંદાજ એ વાત પરથી લગાવી શકાય છે કે તેણે માત્ર 17 બોલમાં પોતાની બીજી ફિફ્ટી પૂરી કરી હતી. જણાવી દઈએ કે સૂર્યકુમાર યાદવે ટી20 કરિયરની આ બીજી સદી ફટકારી છે.