ગુજરાત પ્રવાસ / VIDEO: એમના હાથના મેં રોટલા ખાધા છે... વડોદરામાં ચાલુ ભાષણમાં PM મોદી થયા ભાવુક

• વડોદરામાં ભાવુક થયા પીએમ મોદી
• જુના કાર્યકરો અને ઓળખીતાને યાદ કરતા પીએમ બન્યા ભાવુક
• કહ્યું કે ઘણી માતાઓના હાથની રોટલી ખાધી છે

પીએમ મોદી જુના કાર્યકરો અને ઓળખીતાઓને યાદ કરતી વેળાએ ભાવુક થયા હતા. પીએમ મોદીએ પોતાના ભાષણમાં કહ્યું કે પીએમ મોદી, કહ્યું આજે એવી માતાઓને મને નમન કરવા મળ્યું જેમના હાથે મેં રોટલી ખાધી હતી.

જુના કાર્યકરોને યાદ કરતા ભાવુક થયા પીએમ 

વડોદરામાં પીએમ મોદીની રેલીમાં ઘણા જુના મહિલા કાર્યકરો પણ આવ્યાં હતા. પીએમ મોદી જ્યારે સંઘના કાર્યકર હતા ત્યારે તેમણે કેટલીક માતાઓએ તેમની રોટલી ખવડાવી હતી તે પ્રસંગને આજની રેલીમાં યાદ કરતા પીએમ મોદી ભાવુક બન્યા હતા. 

દેશની લાખો મહિલાઓ લખપતિ બની ગઈ-PM મોદી

પ્રધાનમંત્રી નરેન્દ્ર મોદીએ વધુમાં કહ્યું હતું કે દેશમાં મોટા પાયે આવાસનું નિર્માણ કરવામાં આવી રહ્યું છે જેમાં લાખો પરિવારોને પાક્કા મકાન આપવામાં આવ્યા છે. મારો આગ્રહ રહે છે કે મકાન મહિલાના નામે જ હોય, જેના કારણે એવું કહી શકાય કે દેશની લાખો મહિલાઓ લખપતિ બની ગઈ. આ તમારા દીકરાએ દેશની માતાઓને સંપત્તિ અપાવી.

અમારી ડબલ એન્જીનની સરકારે છેલ્લા 8 વર્ષમાં મહિલાઓને સશક્ત બનાવી છે- PM મોદી

PM મોદીએ જણાવ્યું હતું કે, અમારી ડબલ એન્જીનની સરકારે છેલ્લા 8 વર્ષમાં મહિલાઓને સશક્ત બનાવી છે. તેમનું સશક્તિકરણ ભારતના વિકાસ માટે જરૂરી છે, આજે સેનાથી લઈને ખાણ સુધી મહિલા કલ્યાણનું ધ્યાન રાખીને નીતિઓ બનાવવામાં આવી રહી છે.

સ્વસ્થ માતૃત્વ અને સ્વસ્થ બાળપણ માટે બે મોટી યોજના

વડાપ્રઘાન નરેન્દ્ર મોદીએ વડોદરામાં મંચ પરથી કહ્યું કે, ગુજરાતની બહેન - દીકરીઓ માટે આદજનો દિવસ મહત્વપૂર્ણ છે. ગુજરાત સરકારે આજે 2 મોટી યોજના શરૂ કરી છે. સ્વસ્થ માતૃત્વ અને સ્વસ્થ બાળપણ માટે આ બે મોટી યોજના ખૂબ મહત્વપૂર્ણ છે. મુખ્યમંત્રી માતૃશક્તિ યોજના માતાના પોષણક્ષણ આહારની સંભાળ રાખશે.