આગરાની હોટલમાં પ્રેમિકા સાથે અંગત પળો માણી રહેલા પતિ અને પ્રેમિકાને ચંપલ વડે જોરદાર માર માર્યાનો વીડિયો વાયરલ થયો છે.
આગરાની હોટલમાં પ્રેમિકા સાથે અંગત પળો માણવાનું પતિને પડ્યું ભારે
અચાનક આવી ગયેલી પત્નીએ બન્નેની ચંપલથી કરી પીટાઈ
ઘટનાનો વીડિયો થયો વાયરલ
પતિ પત્નીથી છુપાવીને પ્રેમિકાઓને લઈને હોટલમાં પહોંચતા હોય છે અને તેની સાથે અંગત પળો માણતા હોય છે પરંતુ ક્યારેક પત્નીને ખબર પણ પડી જાય છે ત્યારે ખૂબ મોટો ફજતો થતો હોય છે. આગરામાં પણ આવી એક ઘટના બની છે જેમાં એક પત્નીએ હોટલની રુમમાં ઘુસીને પ્રેમિકા સાથે રંગરેલિયા મનાવી રહેલા પતિને ઝડપ્યો હતો અને તેને મજા ચખાવી હતી.
ચંપલથી પતિ અને પ્રેમિકાની કરી પીટાઈ
આગરાની એક હોટલમાં પ્રેમિકા સાથે રોમાન્સ કરવાનું પતિને ખૂબ ભારે પડ્યું છે. બંધ રુમમાં પતિ જ્યારે પ્રેમિકા સાથે રોમાન્સ કરી રહ્યો હતો બરાબર ત્યારે પત્ની ત્રાટકી હતી. પતિ અને પ્રેમિકાને આલિંગનમાં જોતા તે વિફરી હતી અને પગમાંથી ચંપલ કાઢીને બન્નેની બરાબરની આરતી ઉતારી હતી.
પતિને હતા પરસ્ત્રી સાથે સંબંધો
આ મામલો દિલ્હી ગેટ વિસ્તારનો છે. જાણકારી અનુસાર, દેવરી રોડ પર રહેતા દિનેશ ગોપાલ નામનો વ્યક્તિ હોસ્પિટલમાં કામ કરે છે. તેની પત્નીએ આરોપ લગાવ્યો હતો કે દિનેશના એક મહિલા સાથે ગેરકાયદેસર સંબંધ હતા. આ વાતથી નારાજ થઈને નીલમ પીયર જતી રહી હતી. સોમવારે જ્યારે પત્નીને ખબર પડી કે દિનેશ એક મહિલા સાથે હોટલમાં છે, ત્યારે નીલમ તેના ભાઈ સાથે ત્યાં પહોંચી હતી. રૂમમાં જતાં જ તેણે દિનેશને બીજી મહિલાના બાહુપાશમાં જોયો. ગુસ્સામાં નીલમે ચંપલ કાઢીને પતિને માર મારવાનું શરૂ કરી દીધું હતું. તેણે મહિલાને પણ ચપ્પલથી માર માર્યો હતો.