દિલ્હીમાં વધુ એક હિટ એન્ડ રનની ઘટના સામે આવી છે જેમાં એક યુવાન હવામાં ફંગોળાતા તેંનું મોત નીપજ્યું છે જ્યારે એક યુવાનની હાલત ગંભીર હોવાનું જાણવા મળી રહ્યું છે.
દિલ્હીમાં વધુ એક હિટ એન્ડ રનની ઘટના
કાર અને બાઇક વચ્ચે સર્જાયો અકસ્માત
અકસ્માત એક યુવાનનું કરુણ મોત
અકસ્માતની ઘટનાને લઈ દિલ્હી અનેક વખત ચર્ચામાં આવ્યું છે. તેવામાં દિલ્હીમાં ફરી એકવાર હિટ એન્ડ રનનો મામલો સામે આવતા ચકચાર મચી છે. કાર અને બાઇક વચ્ચેના આ ગમખ્વાર અકસ્માતમાં એક વ્યક્તિનું કમકમાટીભર્યું મોત નીપજ્યું હોવાનું સામે આવ્યું છે જ્યારે ઇજાગ્રસ્ત અન્ય હજુ પણ હોસ્પિટલમાં સારવાર હેઠળ હોવાનું જાણવા મળી રહ્યું છે. આ મામલે દિલ્હી પોલીસે માનવહત્યાની કલમ હેઠળ કેસ નોંધ્યો છે અને ડ્રાઈવર સહિત કુલ 5 આરોપીઓને દબોચી લીધા છે તો આ ઘટનાના CCTV ફૂટેજ પણ બહાર આવ્યા છે.
#WATCH | Delhi: A car rammed into a scooty & dragged a rider on its roof for about 350 m when he landed on it after being thrown into the air due to the impact of the collision. 5 accused arrested. FIR registered at Keshav Puram PS.
ગત રાત્રે 3 વાગ્યાના આસપાસ દિલ્હી પોલીસનો કેશવપુરમ પોલીસ મથકનો સ્ટાફ પેટ્રોલિંગ કરી રહ્યો હતો.આ દરમિયાન વાન સવાર પોલીસ કર્મચારીઓએ જોયું કે કનેયા નગર વિસ્તારમાં પ્રેરણા ચોક પર ટાટા કારે એક્ટિવાને જોરદાર ટક્કર મારી હતી. અકસ્માત વેળાએ સ્કુટી પર બે યુવકો સવાર હતા. અકસ્માતમાં એક યુવક હવામાં ઉછળીને કારની છત પર પડ્યો હતો. આ વેળાએ અન્ય એક યુવક કૂદી ગયો અને કારના વિન્ડસ્ક્રીન અને બોનેટ વચ્ચે ફસાઈ ગયો હતો. આ ઉપરાંત સ્કૂટી બમ્પરમાં નીચે ફસાઈ ગઈ હતી.
પોલીસે 350 કિલોમીટર સુઘી પીછો કરીને આરોપીઓને દબોચ્યા
આ ગંભીર અકસ્માત બાદ આરોપીઓએ કાર રોકવાને બદલે મોકો જોઈ ભાગી છૂટયા હતા. ત્યારબાદ પીસીઆરમાં હાજર પોલીસકર્મીઓએ લગભગ 350 કિલો મીટર સુધી ફિલ્મીઢબે પીછો કરીને કારમાં સવાર તમામ 5 આરોપીઓને પકડી લીધા હતા. ત્યારબાદ પોલીસકર્મી દ્વારા કંટ્રોલ રૂમને ફોન કરીને અકસ્માતની જાણ કરાઈ હતી. જેને પગલે અન્ય પોલીસની ટીમ ઘટનાસ્થળે દોડી ગઈ હતી. બને ટીમે ઈજાગ્રસ્તોને હોસ્પિટલ ખસેડયા હતા. જ્યા ફરજ પરના તબીબે એક યુવાનને મૃત જાહેર કર્યો. જ્યારે અન્ય યુવકોની હાલત નાજુક હોવાનું સામે આવી રહ્યું છે.