અદમ્ય સાહસનો પરચો આપીને એક હેવી ડ્રાઈવરે જે રીતે કારને હંકારી તે જોઈને તમે છક થઈ જશો.
નહેર પર બે લાકડા ગોઠવીને હાર કાઢી ડ્રાઈવરે
ઉદ્યોગપતિ હર્ષ ગોયેન્કાએ વીડિયો શેર કર્યો
ડ્રાઈવરની હિંમતને સલામ, જરા ચૂક થઈ હોત રામ રમી ગયા હોત
કેટલાક કાર ડ્રાઈવરોમાં ખૂબ અનોખી રીતે કાર ચલાવી જાણતા હોય છે. આવી સ્થિતિમાં તેમનામાં રહેલું ડ્રાઈવરપણું બહાર આવતું હોય છે. આવા જ એક કિસ્સામાં એક કાર ડ્રાઈવરે નહેર પર બે લાકડા ગોઠવીને તેની પરથી આખી કાર કાઢી દેખાડી હતી. જરા સરખી ચૂક થઈ હોત તો કાર અને ડ્રાઈવરના રામ રમી ગયા હોત પરંતુ ડ્રાઈવરે ખૂબ જ હિંમત અને ધીરજથી બે લાકડા પર કાર હાંકીને બીજી છેડે કાઢી લીધી હતી.
Every path in life has a bridge….the journey is in crossing it successfully. If you have the right tyres, you have nothing to be scared about! pic.twitter.com/hStJvLvv0W
વાયરલ થયેલા વીડિયોમાં જોઈ શકાય છે કે એક નહેર પર બે લાકડા ગોઠવેલા હોય છે અને તેની પર ડ્રાઈવર કાર ચઢાવે છે અને પછી ધીરે ધીરે આગળ લઈને બીજે છેડે ઉતારી મૂકે છે.
ઉદ્યોગપતિ હર્ષ ગોએન્કાએ વીડિયો શેર કર્યો
હર્ષ ગોએન્કાએ 29 માર્ચે આ ક્લિપ શેર કરી અને લખ્યું- જીવનના દરેક માર્ગમાં એક પુલ હોય છે... સફર સફળતાપૂર્વક પાર કરવાની છે. જો તમારી પાસે યોગ્ય ટાયર હોય, તો તમારે ડરવાનું કંઈ નથી!યુઝર્સ આ વીડિયોને ખૂબ પસંદ કરી રહ્યા છે. સમાચાર લખાય છે ત્યાં સુધી આ વીડિયોને 6 હજારથી વધુ વ્યૂઝ અને 200થી વધુ લાઈક્સ મળી ચૂક્યા છે. ઉપરાંત, યુઝર્સ આ અંગે સતત તેમના પ્રતિભાવો આપી રહ્યા છે. એક યુઝરે લખ્યું કે નોર્થ ઈસ્ટમાં આ દ્રશ્યો સામાન્ય છે. કેટલાક લોકોએ ડ્રાઇવરની તેજસ્વી પ્રતિભાની પ્રશંસા કરી. એકે લખ્યું કે પ્રતિભાની કોઈ કમી નથી.