VIDEO: ચેટ શો દરમિયાન ભજ્જીએ કર્યો ખુલાસો ''તમામ પ્લેયર્સ પોતાની પત્નીથી ડરે છે''

ટીમ ઇન્ડિયાના પ્લેયર્સ પોતાના બિઝી શેડ્યૂલમાં પણ મોટાભાગનો સમય ટીમમેટ સાથે વિતાવે છે ટીમના પ્લેયર્સ માટે ટીમ જ તેમની બીજી ફેમિલી હોય છે. ફ્રી ટાઇમમાં જ્યારે પણ આ પ્લેયર્સને ટાઇમ મળે ત્યારે તેઓ એકબીજા સાથે સતત મસ્તી કરતા હોય છે એવાં જ ટીમ ઇન્ડિયાનો બૉલર હરભજન સિંહ પણ પોતાના ટીમમેટ સાથે મોટાભાગનો સમય પસાર કરવાનું પસંદ કરે છે. પોતાના ખરાબ ફોર્મને કારણે પહેલાથી હરભજન સિંહ ટીમ ઇન્ડિયાનો ભાગ નથી રહ્યો પરંતુ આ વખતે IPL-11માં તે મહેન્દ્ર સિંહ ધોનીની કેપ્ટન્સીમાં રમતી CSKમાંથી રમ્યો હતો. તાજેતરમાં જ ભજ્જી એક ચેટ શોનો ભાગ બન્યો જ્યાં તેણે ટીમ ઇન્ડિયાના તમામ પ્લેયર્સના સિલેક્રેટ્સ રિવીલ કર્યા હતા.

જી હા વાસ્તવમાં હરભજન સિંહ 'પોલ ખોલ' નામના એક શોનો ભાગ બન્યો હતો જેમાં હરભજને ટીમ ઇન્ડિયાના દિગ્ગજ પ્લેયર્સના તમામ સિક્રેટ્સ રિવીલ કર્યા હતા. 

આ ચેટ શો દરમિયાન હરભજને કહ્યુ કે ''તમામ ભારતીય ક્રિકેટર પોતાની પત્નીથી ડરે છે જ્યારે ટીમના સ્ટાર બેટ્સમેન શિખર ધવન વિદેશ પ્રવાસ પર સૌથી વધારે પોતાની પત્નીને મિસ કરે છે.'' જ્યારે ટીમ ઇન્ડિયના કેપ્ટન વિરાટ કોહલીને લઇને કહ્યુ કે ''તે ડ્રેસિંગ રૂમમાં સૌથી વાહિયાત જોક્સ કહે છે.''




આ સિવાય સુરેશ રૈના વિશે જણાવ્યુ કે ''તે હંમેશા ફોન પર જ બિઝી હોય છે.'' જ્યારે ટીમ ઇન્ડિયાનો ઑલરાઉન્ડર હાર્દિક પંડ્યા માટે કહ્યુ કે ''તે એક પાર્ટી એનિમલ છે.'' જ્યારે આશિષ નહેરા વિશે વાત કરતા ભજ્જીએ કહ્યુ કે ''પ્લેયર્સની મીટિંગ દરમિયાન તેની એન્ટ્રી સૌથી મોડી થાય છે.'' 

ઉલ્લેખનીય છે કે 37 વર્ષીય હરભજન સિંહ IPL-11માં ચેન્નાઇ સુપરકિંગ્સ (CSK)નો ભાગ હતો અને આ ટીમે ત્રીજી વખત IPLનું ટાઇટલ પોતાના નામે કર્યુ. પોતાની ટીમ CSK માટે તેનું યોગદાન સિઝનમાં સારું રહ્યુ તેમ છતાં ટીમ ઇન્ડિયામાં પોતાનું સ્થાન બનાવવાનું ભજ્જી માટે મુશ્કેલ લાગી રહ્યુ છે.