લંડનમાં ગીતા રબારીના લોક ડાયરામાં વિદેશીઓ અને ગુજરાતી સમાજના લોકો મોટી સંખ્યામાં ઉમટી પડ્યા હતા
ફરી એકવાર ગીતા રબારી ઉપર ડોલર-પાઉન્ડનો વરસાદ
લંડનના હોરોવ લેસી સેન્ટરમાં યોજાયો હતો કાર્યક્રમ
ડાયરામાં 2.25 કરોડ રૂપિયાનું ફંડ એકઠું થયું
ગુજરાતી કલાકારો ઉપર ચલણી નોટો, ડોલર અને પાઉન્ડનો વરસાદ થાય એ હવે નવી વાત નથી. લંડનના હોરોવ લેસી સેન્ટરમાં યોજાયેલા ગાયિકા ગીતા રબારીના ડાયરામાં ડોલર અને પાઉન્ડનો વરસાદ થયો છે. લંડનમાં ગીતા રબારીના લોક ડાયરામાં વિદેશીઓ અને ગુજરાતી સમાજના લોકો મોટી સંખ્યામાં ઉમટી પડ્યા હતા. જેનો વિડીયો હાલ સોશિયલ મીડિયામાં ભારે વાયરલ થઈ રહ્યો છે.
ક્યાં યોજાયો હતો ડાયરો ?
લંડનના હોરોવ લેસી સેન્ટરમાં યોજાયેલા ગીતા રબારીના ડાયરામાં મોટી સંખ્યામાં લોકો ઉમટ્યા હતા. જ્યાં કચ્છી કોયલના ગીતો સાંભળીને લોકો મંત્રમુગ્ધ બનીને ડોલર અને પાઉન્ડનો વરસાદ કર્યો હતો. લંડનના હોરોવ લેસી સેન્ટર ખાતે યુ.એસ. ડોલર અને યુકે પાઉન્ડનો વરસાદ થયાનો વિડીયો હાલ સોશિયલ મીડિયામાં વાયરલ થઈ રહ્યો છે.
ગીતા રબારીને ‘કચ્છી કોયલ’ તરીકે ઓળખવામાં આવે છે. તેમના કાર્યક્રમમાં અવાર-નવાર ડોલર અને પાઉન્ડનો વરસાદ થતો હોય છે. જોકે લંડનમાં યોજાયેલા કાર્યક્રમમાં મોટી સંખ્યામાં ભીડ ઉમટી હતી. જ્યાં ગુજરાતીઓ અને વિદેશીઓએ ગીતા રબારી પર ડોલર અને પાઉન્ડનો વરસાદ કર્યો હતો.
ડાયરામાં 2.25 કરોડ રૂપિયાનું ફંડ એકઠું થયું
લેબોન હોસ્પિટલિટી ગૃપના સહયોગથી અમેરિકાના બ્રેડફોર્ડ એવન્યુના વેલેન્સિયા હાઈસ્કૂલ ઓડિટોરિયમ ખાતે ‘ગીતો ગરવી ગુજરાતના’ લોકડાયરાનું આયોજન કરવામાં આવ્યું હતું. જેમાં ગુજરાતના કલાકારો ગીતાબેન રબારી, સંજય જાદવ તેમજ જાણીતા લોક સાહિત્યકાર માયાભાઈ આહીરે આ કાર્યક્રમમાં રમઝટ બોલાવી હતી. ગીતાબેન રબારી ઉપર આ ડાયરામાં 3 લાખ ડોલર એટલે કે ભારતીય ચલણ મુજબ 2.25 કરોડ રૂપિયાનું ફંડ એકઠું થયું હતું.