યુપીના કાનપુરમાં ગત સપ્તાહે 8 પોલીસકર્મીઓની હત્યા બાદ ફરાર થયેલા આરોપી ગેંગસ્ટર વિકાસ દુબેને મધ્ય પ્રદેશના ઉજ્જૈનમાં મહાકાલના દર્શન દરમિયાન સ્થાનિક પોલીસે ઝડપી પાડ્યો હતો. વિકાસ દુબેને જોયા બાદ જે સિક્યુરિટી ગાર્ડને શંકા ગઈ તેણે પોતાની સમગ્ર વાત કેમેરાની સામે જણાવી છે. મહાકાલમાં ડ્યૂટી દરમિયાન હાજર સિક્યૂરિટી ગાર્ડ લખન યાદવે જણાવ્યું કે ગેંગસ્ટર વિકાસ દુબેને તેણે જોયો અને પોતાના વિભાગના લોકોને જાણકારી આપી. એ બાદ કંઈ આવું થયું હતુ.
8 પોલીસકર્મીઓની હત્યા બાદ ફરાર થયેલા આરોપી ગેંગસ્ટર વિકાસ દુબે
ગેંગસ્ટર વિકાસ દુબેને તેણે જોયો અને પોતાના વિભાગના લોકોને જાણકારી આપી
ગાર્ડે કહ્યું કે મે વિકાસ દુબેનો ફોટો જોયો હતો. તેને જોયા બાદ લાગ્યુ કે તે દર્શન માટે આવ્યો છે. જ્યારે શંકાસ્પદ વ્યક્તિ પર શંકા ગઈ તો મે વિભાગના અધિકારીઓને આ અંગે જાણ કરી હતી. તેમણે પોલીસને જાણ કરી. સવારે 7 વાગે મંદિરના પાછલા ગેટથી તેણે ઘૂસવાનો પ્રયાસ કર્યો હતો. દર્શન કરવા જઈ રહ્યો હતો. અમે સીસીટીવીમાં જોઈને 2 કલાક સુધી ઈન્કવાયરી કરી. ગાર્ડ લખન યાદવે વધુમાં જણાવ્યુ હતું કે તે સમયે 8 લોકોની ટીમ હતી. તેની સાથે 2-3 લોકો હતા. પણ તે એકલો પકડાયો છે.
ઉલ્લેખનીય છે કે 8 પોલીસકર્મચારીઓની હત્યા કરનાર વિકાસ દુબે ગત અઠવાડિયે આમ તેમ છુપાતો ફરતો હતો. ગુરુવારે સવારે તેની ઉજ્જેનથી ધરપકડ થયાના સમાચાર આવ્યા હતા. તે સવારે મહાકાલના દર્શન કરવા મંદિર પહોંચ્યો હતો. જ્યાં ગાર્ડે તેને ઓળખી લીધો હતો. માહિતી કન્ફોર્મ કર્યા બાદ તેણે પોલીસને જાણ કરી હતી . એ બાદ ઉજ્જૈન પોલીસે તેની ધરપકડ કરી હતી.