ક્રાઈમ / VIDEO: બેખૌફ બદમાશો, ધોળે દિવસે મહિલાનું કરવા લાગ્યા અપહરણ, 10 સેકન્ડમાં ખેલ ખલાસ

• હરિયાણાના યમુના નગરમાં એક મહિલાનો અપહરણનો પ્રયાસ
• અપહરકારોને જોઈ મહિલાએ બુમો પાડવાનું શરૂ કર્યું
• પોલીસે ઘટના સ્થળે પહોંચી તપાસ હાથ ધરી

હરિયાણાના યમુના નગરમાં ચોંકાવનારી ઘટના બનવા પામી છે. જેમાં કેટલાક અસામાજીક તત્વોએ ધોળા દિવસે મહિલાનું અપહરણ કરવાનો પ્રયાસ કર્યો હતો. પરંતું તેઓ નિષ્ફળ ગયા હતા. ત્યારે મહિલાએ બુમાબુમ કરી મુકતા આરોપીઓ ભાગી ગયા હતા. ત્યારે પોલીસે આ બાબતે ગુનો નોંધી તપાસ હાથ ધરી છે. જેમાં પોલીસે સીસીટીવીના આધારે એક વ્યક્તિની અટકાયત પણ કરી છે. ત્યારે પોલીસ દ્વારા આરોપીની પૂછતાછ કરવામાં આવી રહી છે. આ વીડિયો સોશિયલ મીડિયામાં વાયરલ થઈ રહ્યો છે.

#WATCH | Caught On Camera: Miscreants tried to kidnap a woman in Haryana's Yamuna Nagar city yesterday

After doing gym, the woman sat in her car. 4 people came & entered her car & tried to kidnap her. One accused has been caught. Probe underway: DSP Kamaldeep Singh, Yamuna Nagar pic.twitter.com/XvuN22yfWy

— ANI (@ANI) January 1, 2023

ત્રણ વ્યક્તિ મહિલાની કારમાં આવીને બેસી ગયા
મળતી માહિતી મુજબ મહિલા 31 ડિસેમ્બરે જીમમા ગયા બાદ તે પરત ઘરે આવી રહી હતી. ત્યારે તે પોતાની કારમાં બેઠી કે તરત જે કેટલાક શખ્શો તેની કારમાં જબરજસ્તી બેસી ગયા હતા. જેમાં બે હુમલાખોરો ડાબી બાજુથી આવ્યા હતા. જ્યારે બીજો હુમલાખોર જમણી બાજુથી આવ્યા અને કારમાં બેસી ગયા હતા. ત્યારે હુમલાખોર જેવો કારમાં બેઠો કે તરત જ મહિલા કારમાંથી ઉતરી બુમાબુમ કરી દીધી હતી.

પોલીસે તપાસ હાથ ધરી
મહિલાએ બુમાબુમ કરી મુકતા હુમલાખોરો કારમાંથી નીચે ઉતરી નાસી ગયા હતા. ત્યારે આ બાબતે પોલીસને જાણ કરતા ડીએસપી કંવલજીત સિંહ તેમની ટીમ સાથે ઘટના સ્થળે પહોંચી ગયા હતા. ત્યારે ડીએસપી સિંહે કહ્યું કે આ મામલે ફરિયાદ નોંધી લેવામાં આવી છે. તેમજ તપાસ શરૂ કરી દેવામાં આવી છે. આ લોકોને ઈરાદો શું હતો અને આ લોકો કઈ ગેંગના છે. આ સંપૂર્ણ માહિતી તપાસ બાદ જ ખબર પડે.