ભારત અને ન્યુઝીલેન્ડ વચ્ચે T 20 સિરીઝ દરમિયાન મેચ જોવા ધોની પહોંચતા સ્ટેડિયમમાં દર્શકોએ ધોનીના નામના નારા લગાવ્યા હતા.
ભારત અને ન્યુઝીલેન્ડ વચ્ચે T 20 સિરીઝની પ્રથમ મેચ
દર્શકોએ લગાવ્યા ધોનીના નામના નારા
વીડિયો સોશિયલ મીડિયામાં ધૂમ વાયરલ
રાંચી ખાતે ભારત અને ન્યુઝીલેન્ડ વચ્ચે T 20 સિરીઝની પ્રથમ મેચ રમાઈ રહી છે. ત્યારે આ દરમિયાન ભારતીય ક્રિકેટ ટીમના પૂર્વ કેપ્ટન અને દિગગજ બેસ્ટમેન મહેન્દ્ર સિંહ ધોની પણ પત્ની સાક્ષી સાથે મેચ નિહાળવા આવ્યા હતા. એમ.એસ.ધોનીએ ભારતીય ટીમમાં સ્ટાર બેટ્સમેન અને શ્રેષ્ઠ વિકેટકીપર તરીકે અજોડ કામગીરી અદા કરી છે. ત્યારે મેચ દરમિયાન કેમેરો ધોની પર જતાની સાથે જ સ્ટેડિયમમાં દર્શકોએ ધોનીના નારા લગાવતા સ્ટેડિયમ ધોનીના નામથી ગુંજી ઉઠ્યું હતું.ધોનીની ઝલકને ચલકોએ વધાવી લીધી હતી.
રાંચીના JSCA ઈન્ટરનેશનલ ક્રિકેટ સ્ટેડિયમમાં ન્યુઝીલેન્ડ અને ભારત વચ્ચે પ્રથમ T20 મેચ રમાઈ રહી છે. જેમાં ઈન્ટરનેશનલ ક્રિકેટમાંથી નિવૃત્તિ લેનાર પૂર્વ ભારતીય કેપ્ટન ધોની પણ મેચ જોવા પહોંચ્યા છે. તેની એક ઝલક નિહાળી ધોનીના ફેન્સ સ્ટેડિયમમાંથી ઉમટી પડ્યા હતા. આ વીડિયો સોશિયલ મીડિયા પર ધૂમ વાયરલ થઈ રહ્યો છે. જેને મોટે પાયે લાઈક પણ મળી રહ્યા છે.
15 ઓગસ્ટ 2020 ના રોજ ધોનીએ નિવૃત્તિ જાહેર કરી
મહત્વનું છે કે રાંચીના રાજકુમાર કહેવાતા ભારતીય ક્રિકેટ ટીમના પૂર્વ કેપ્ટન એમ.એસ. ધોનીએ આંતરરાષ્ટ્રીય ક્રિકેટને અલવિદા કહી દીધું છે. ધોનીએ 15 ઓગસ્ટ 2020 ના રોજ આંતરરાષ્ટ્રીય ક્રિકેટમાંથી નિવૃત્તિ જાહેર કરી દીધી હતી. મહત્વનું છે જે ધોનીએ 2019 વર્લ્ડમાં ન્યૂઝીલેન્ડ સામે છેલ્લી મેચ રમી હતી. અત્રે નોંધનીય છે કે પૂર્વ કેપ્ટન ધોનીએ 350 વનડે, 98 ટી20 આંતરરાષ્ટ્રીય મેચ તેમજ 90 જેટલી ટેસ્ટ મેચ રમી છે.