જામનગર: ગુજરાતમાં દારૂબંધીનો કાયદો માત્ર કાગળ પર જ છે તેનો પુરાવો રોજેરોજ મળતો રહે છે. થોડા સમય પહેલા ગુજરાતના કેટલાક પોલીસ દારૂના નશામાં હોવાના વીડિયો વાઈરલ થયા હતા. ત્યારે હવે સરકારી બસના કર્મચારીઓ નશામાં જોવા મળ્યા છે. ST બસનો કંડકટર વિક્રમસિંહ રમલાવત ઓન ડયૂટી નશામાં ઝડપાયો છે.
આ ઘટનાનો એક વિડીયો બસના મુસાફરોએ વાઈરલ કર્યો હતો. આ ઘટના અંગે મળતી વિગત અનુસાર દિવ-ઉનાથી જતી એક ST બસનો કંડકટર નશાની હાલતમાં ઝડપાયો હતો. ઝડપાય. આ કંડટરને દારૂ પીધેલી હાલતમાં જોઈને બસમાં મુસાફરી કરતા લોકોના જીવ તાળવે ચોંટ્યા હતા.
ઉલ્લેખનીય છે કે ઉનાના એસટી ડેપો મેનેજરને આ વીડિયોની જાણ થતાં તેમને આ નશામાં કંડક્ટરને સસ્પેન્ડ કરવા માટેની તજવીજ હાથ ધરી છે. આ વીડિયો સોશિયલ મીડિયામાં ફરતો હોવા છતાં એસટી તંત્રના પેટમાંથી પાણી હલતું નથી. શું નશાબંધીનો કડક કાયદો માત્ર કાગળ પર જ છે અથવા શું સરકારી કર્મચારીઓને નશાબંધીનો કાયદો નડતો નથી..