તમારા કામનું / VIDEO: ટ્રેનમાં મુસાફરી કરતાં સમયે થતી સમસ્યાની ફરિયાદ સીધા રેલવે અધિકારીઓ કરો

જો તમને પૂછવામાં આવે કે તમે ભારતીય રેલ્વે વિશે શું વિચારો છો અને તમારી પાસે કેટલી ફરિયાદો છે? શક્ય છે કે તમારી પાસે અનેક પ્રકારની ફરિયાદો હશે અને કેમ ન હોય ભારતીય રેલ્વે દ્વારા દરરોજ કરોડો લોકો મુસાફરી કરે છે અને દરરોજ અનેક પ્રકારની ઘટનાઓ અહીં બને છે, પરંતુ જો હું તમને એમ કહું કે તમારી આ ફરિયાદો સાંભળવા અને તેનો ઉકેલ લાવવા માટે ભારતીય રેલ્વે તૈયાર છે અને આ માટે તમે જ્યારે પણ ટ્રેનમાં મુસાફરી કરો છો એ સમયે મોબાઇલમાં એક ઍપ્લિકેશન ડાઉનલોડ કરવાની રહેશે.

આ એપ છે Rail Madad જે ખાસ ટ્રેમાં મુસાફરી કરતાં લોકોની ફરિયાદો સાંભળવા અને તેના નિરાકરણ માટે લોન્ચ કરવામાં આવી છે. ભારતીય રેલ્વેની આ એપ ઘણા પ્રકારના કામ કરે છે અને તેની મદદથી તમે પળવારમાં ફરિયાદ નોંધાવી શકો છો અને ટૂંક સમયમાં જ તે ફરિયાદનું તમને સમાધાન પણ મળી જાય છે. ટ્રેનમાં મુસાફરી કરતાં સમયે તમારા કોચમાં સફાઇને લગતી સમસ્યા હોય કે ભોજન સંબંધિત સમસ્યા , મેડિકલ ઈમરજન્સી હોય કે સુરક્ષા સંબંધિત કોઈ પણ ફરિયાદ તમે Rail Madadમાં કરી શકો છો.

આ એપમાં ફરિયાદ કેવી રીતે કરવી?

• - તો આ માટે સૌથી પેહલા Rail Madad એપ્લિકેશન ડાઉનલોડ કરો.
• - એ બાદ તેમ તમારા ઉપર દેખાતી ત્રણ લાઇન પર ક્લિક કરીનેરજીસ્ટ્રેશન પર જાઓ
• - ત્યાં તમારા નામ, પાસવર્ડ અને ફોન નંબર અથવા ઇમેઇલ દાખલ કરો એ પછી ઓટીપી એન્ટર કરીને સાઇન અપ કરો
• - આ પછી તમારા નામ અને પાસવર્ડની મદદથી Rail Madad એપમાં લોગ ઇન કરો.
• - હવે સ્ક્રીન પર ટ્રેન કમ્પ્લેઇન્ટ, સ્ટેશન કમ્પ્લેઇન્ટ, પાર્સલ ઇન્ક્વાયરી જેવા ટેબ દેખાશે
• - ટ્રેન કમ્પ્લેઇન્ટ પર ક્લિક કરશો એટલે ટ્રેનમાં થતી સમસ્યા વિશે કમ્પ્લેઇન્ટ કરવાની રહેશે એ બાદ તારીખ એડ કરીને જર્ની ડિટેલ જણાવી પડશે આ માટે તમે PNR નંબરનો ઉપયોગ કરી શકો છો
• - એ બાદ તમારી સમસ્યાનો એક ફોટો અપલોડ કરીને કમ્પ્લેઇન્ટ સબમિટ કરી દો

આ પછી એક કમ્પ્લેઇન્ટ રજિસ્ટર આઈડી આવશે જેની મદદથી તમે તમારી ફરિયાદને ટ્રેક કરી શકો છો અને જાણી શકો છો કે તેના પર કેટલું કામ થયું છે. સાથે જ કમ્પ્લેઇન્ટ આઈડી પણ તરત જ સંબંધિત વિભાગની ઓફિસમાં મોકલવામાં આવશે જેથી તમારી ફરિયાદ સરળતાથી ઉકેલી શકાય. ધારો કે તમે ટ્રેનમાં મુસાફરી કરી રહ્યા છો, અને તમારો કમ્પાર્ટમેન્ટ ચોખ્કો નથી .. તો એક પોટો પાડો અને આ એપમાં અપલોડ કરીને ફરિયાદ નોંધાવી દો. બસ થોડાક સમયમાં રેલવેની ટીમ આવી ડબ્બો સાફ કરી દેશે.

વધુ વાંચો: તમારી જાણ બહાર Aadhaar Cardનો ઉપયોગ નથી થઈ રહ્યો ને? આ રીતે કરો ચેક

આ સિવાય તમારી ફોનમાં જો ઈન્ટરનેટ નથી ચાલી રહ્યું તો ભારતીય રેલવેના હેલ્પલાઇન નંબર 139 પર ફરિયાદ કરી શકો છો.