ઘટના / VIDEO : કપડાં... એ શું હોય... આટલું કહીને ધારાસભ્યએ મીડિયા સામે કપડા ફાડ્યાં, જાણો કેમ

• કોંગ્રેસના MLAનો કપડાં ફાડ વિરોધ
• શિવરાજ સરકાર સામે લાલઘૂમ MLA
• પ્રજાની પરેશાનીથી વ્યથિત થયાં ધારાસભ્ય
• મધ્યપ્રદેશમાં પૂરની પરિસ્થિતી વ્યથિત MLA
• શિવપુરમાં પૂરની પરિસ્થિતીથી ગુસ્સામાં કોંગ્રેસ

મધ્યપ્રદેશમાં વરસાદને કારણે ભારે તારાજી છે. ખાસ કરીને મધ્યપ્રદેશના શિવપુરની હાલત હજુ કફોડી છે. શિવપુરના પ્રજાની પરેશાનીથી કોંગ્રેસના એક ધારાસભ્યને શિવરાજ સરકાર પર ભારે ગુસ્સો આવ્યો અને ગુસ્સામાંને ગુસ્સામાં તેમણે પોતાના કપડાં ફાડી નાખી અને વિરોધ નોંધાવ્યો.

મધ્યપ્રદેશના શિવપુરીના કોંગ્રેસના ધારાસભ્ય જેમણે મીડિયાના કેમેરાની સામે મધ્યપ્રદેશ વિધાનસભામાં પોતાના કપડાં ફાડવાના શરૂ કરી દીધાં. પરંતુ શું કામ તેમણે પોતાના કપડાં ફાડ્યા તે જાણીએ.

મધ્યપ્રદેશના શિવપુરના આસપાસના ગામો પાણીમાં હજુ પણ ગળાડૂબ છે.  વિસ્તારમાં પાર્વતી નદી ખતરાથી ઉપર વહી રહી છે. શિવપુરમાં જ્યાં જુઓ ત્યાં તબાહી જ છે. દાવો છે સરકારી મદદ શિવપુર આસપાસના લોકોને હજુ સુધી નથી પ્હોંચી. જેને લીધે પૂરથી અસરગ્રસ્ત લોકોમાં આક્રોશ જોવા મળી રહ્યો છે.

સરકારી મદદ ન મળવાનો આ ગુસ્સો કેન્દ્રીય કૃષિમંત્રી નરેન્દ્ર તોમર પર પણ નીકળી ચૂક્યો છે. 7 ઓગસ્ટે કેન્દ્રીય મંત્રી નરેન્દ્ર તોમરને પૂર અસરગ્રસ્તોએ ઘેરી લીધાં હતાં. અને તેમની ગાડી પર કાદવ ફેંક્યો હતો...

કોંગ્રેસ ધારાસભ્ય બાબુ જંડેલે પણ વિધાનસભામાં એવી આક્રમકતા બતાવી કે ભાજપે તેને નાટક બતાવ્યું. જોકે, મધ્યપ્રદેશના મુખ્યમંત્રી શિવરાજ સિંહ ચૌહાણ પણ કહી ચૂક્યા છે કે શિવપુરમાં આવેલાં વિનાશક પૂર તેમણે છેલ્લાં 70 વર્ષોમાં આવું જોયું નથી. તેમ છતાં ભાજપના લોકો આ કોંગ્રેસના MLAની વ્યથાને નાટક ગણાવી રહ્યા છે.