VIDEO: દારૂના અડ્ડા પર પોલીસ સાથે બુટલેગર મહિલાની દાદાગીરી

ગુજરાતમાં દારૂબંધીના અમલની દાવેદારી કરવામાં આવે છે. ત્યારે સુરતમાં દારૂની ઘટનાને લઈને એક વીડિયો સોશિયલ મીડિયામાં વાયરલ થયો છે. જેમાં દારૂના અડ્ડા પર મહિલાઓ અને પોલીસ વચ્ચેના ઘર્ષણનો વીડિયો વાયરલ થયો છે.
 

મળતી માહિતી મુજબ ડીંડોલીના હળપતિ વાસમાં બુટલેગર સોનલને ત્યાં પોલીસ પહોંચી હતી અને મહિલા બુટલેગરના સાથી જોડે બોલાચાલી કરી હતી. ત્યારે ત્યાં હાજર મહિલાઓ દ્વારા પોલીસ પર હપ્તાને લઈને બોલાચાલી થઈ હોવાનો આક્ષેપ કરવામાં આવ્યો હતો.
 

મહત્વનું છે કે, વીડિયોમાં દેખાતા બંને પોલીસકર્મીઓ ડીંડોલી પોલીસ મથકમાં ફરજ બજાવે છે. ત્યારે જો મહિલાઓ દ્વારા કરવામાં આવેલા આક્ષેપોને માન્ય રાખીએ તો રક્ષક જ ભક્ષક બનતો હોય તેવું લાગી રહ્યુ છે અને તંત્ર દ્વારા કરવામાં આવતી દારૂબંધીની વાતો માત્ર કાગળ પર જ હોય તેવું સાબિત થાય છે.