આજે ભાજપના બે કોર્પોરેટર અલગ અગલ રીતે જોવા મળ્યા છે. એક કોર્પોરેટર જનતાની ફરીયાદ સાંભળીને એમની સેવામાં લાગ્યા તો બીજા જનતાને લૂટતા જોવા મળ્યા. વડોદરામાં ભાજપ કોર્પોરેટર ગટરમાં ઉતર્યા હતાં અને દાખલો બેસાડ્યો છે.
સમગ્ર અહેવાલ વિશે જણાવીએ તો વડોદરામાં ભાજપના કોર્પોરેટરે ગટરમાં ઉતરી દાખલો બેસાડ્યો છે. વોર્ડ નં. 4ના કોર્પોરેટર અજિત દધિચ ગટરમાં ઉતર્યા હતાં. સ્થાનિક લોકોની ફરિયાદના પગલે કોર્પેરેટરે સફાઇ કરીને દાખલો બેસાડ્યો છે.
ભાજપ કોર્પોરેટરે છેલ્લા ત્રણ મહિનાથી પાલિકામાં રજૂઆત કરી હતી. છતા તંત્રએ લાપરવાહિ દાખવતા કોર્પોરેટરે ગટરમાં ઉતરીને સફાઇ કરી હતી. અને એક ખરા સેવકનું ઉદાહરણ પૂરૂ પાડ્યું હતું. જ્યારે આ બાજુ સુરત ભાજપના કોર્પોરેટર જયંતિ ભંડેરી લાંચ લેતા ઝડપાયા છે. જયંતિ ભંડેરીને રૂપિયા 50 હજારની લાંચ લેતા ACBએ ઝડપી પાડ્યા છે. તેમણે ગેરકાયદેસર બાંધકામના નામે લાંચ માંગી હતી.