હુમલો / VIDEO : ભાજપ નેતાને જીવ બચાવવા દીવાલ કૂદીને ભાગવું પડ્યું, જાણો લોકો કેમ વિફર્યાં

• દેશમાં ભાજપ નેતાઓ પર લોકોના ગુસ્સાની ઘટનાઓ વધતી જાય છે
• ઉત્તરાખંડમાં લોકોએ ભાજપ નેતા પંકજ ભટ્ટને લપેટામાં લીધા
• લોકો પંકજ ભટ્ટેને ઘેરી લીધા, ધક્કામુક્કી કરી
• અંતે જાનનું જોખમ લાગતા ભાજપ નેતા દીવાલ કૂદીને ભાગ્યા 

રુદ્રપ્રયાગમાં દેવસ્થાનમ એક્ટના વિરોધ સ્થળે ઘટના બની 

ઉત્તરાખંડના લોકો રૃદ્રપ્રયાગમાં દેવસ્થાનમ એક્ટનો વિરોધ કરી રહ્યાં છે. આ દરમિયાન ભાજપ નેતા પંકજ ભટ્ટ ત્યાં આ્યાં ત્યારે લોલકોએ તેમને ઘેરી લીધા હતા અને ેતમની સાથે ધક્કામુક્કી તથા મારપીટ કરવા લાગ્યા હતા. 

ભાજપ નેતા જેમતેમ કરીને કારમાં બેસી ગયા હતા પરંતુ લોકોએ કારને પણ જવા દીધી નહોતી, અંતે કોઈ રસ્તો ન સૂઝતા તથા જીવ બચાવવા ભાજપ નેતા દીવાલ કૂદીને ભાગ્યા હતા. આટલેથી સંતોષ ન થતા લોકોએ તેમની કારનો પણ પીછો કર્યો હતો. 

ઘટનાનો વીડિયો વાયરલ થયો 

આ ઘટનાનો એક વીડિયો પણ ઝડપથી વાયરલ થઈ રહ્યો છે. પંકજ ભટ્ટ ઉખીમઠમાં દેવસ્થાનન બોર્ડને ભંગ કરવાની માગ લઈને તીર્થપુરોહિતોની રેલીમાં પહોંચ્યા હતા. તીર્થ પુરોહિતોની રેલીને ટેકો આપવા આવેલા પંકજને જોઈને ગુસ્સે ભરાયેલા લોકોએ તેમની સાથે આ કામ કર્યું હતું.