ભાજપમાં જિલ્લા પંચાયતમાં વરણીના ઉત્સાહમાં નેતાઓ ભાન ભૂલ્યા હતા. નેતાઓએ સામાજીક અંતરના ધજાગરા ઉડાવ્યા હતા.
નગરપાલિકામાં પ્રમુખ-ઉપપ્રમુખની વરણી
વરણીના ઉત્સાહમાં નેતાઓ ભૂલ્યા ભાન
સામાજીક અંતરના ઉડાવ્યા ધજાગરા
ગોંડલ નગરપાલિકામાં પ્રમુખ-ઉપપ્રમુખની વરણી કરવામાં આવી છે ત્યારે વરણીના ઉત્સાહમાં નેતાઓ ભાન ભૂલ્યા હતા. નેતાઓએ સામાજીક અંતરના ધજાગરા ઉડાવ્યા હતા. ઉજવણીમાં લોકોએ બેફામ રૂપિયા ઉડાવ્યા હતા.
ગોંડલ નગરપાલિકામાં પ્રમુખ-ઉપપ્રમુખની વરણી
પ્રમુખ તરીકે શિતલબેન કોટડીયાની વરણી થઈ છે જ્યારે ઉપપ્રમુખ પદે સંજીવ ધીણોજાની સર્વાનુમતે વરણી કરવામાં આવી છે. કારોબારી અધ્યક્ષ તરીકે ભરતસિંહ જાડેજાની વરણી કરવામાં આવી છે. સાશક પક્ષનાં નેતા તરીકે કૌશિકભાઈ પડારીયાની વરણી અને દંડક તરીકે રાજેન્દ્રસિંહ જાડેજાની વરણી કરાઇ છે.
પ્રમુખ પદે શીતલબેન કોટડીયાની વરણી થતા તેમના સસરાએ પ્રમુખ પદની ખુશીમાં માસ્ક પહેર્યા વગર કે સોશિયલ ડિસ્ટન્સ રાખ્યા વગર ઢોલી પર 200-200ની નોટના બંડલ ખુલ્લેઆમ ઉડાડી પદ મળ્યાની ઉજવણી કરી હતી. આ ઉપરાંત ભાજપના ઉમેદવારો અને કાર્યકર્તાઓએ રસ્તા વચ્ચે ઢોલના તાલે જુમી, ફટાકડા ફોડીનેને ઉજવણી કરી હતી
પોરબંદરમાં છાયા સયુંક્ત નપામાં પ્રમુખ-ઉપપ્રમુખની વરણી કરી છે. પ્રમુખ તરીકે સરજુ કારીયાની વરણી કરાઇ છે. ઉપપ્રમુખ તરીકે ભારતીબેન જુગીની વરણી કરવામાં આવી છે. કારોબારીના ચેરમેન તરીકે શૈલેશ જોશીની વરણી થઈ છે. શાસક પક્ષ નેતા તરીકે વિશાલ બામણીયાની વરણી કરવામાં આવે છે. દંડક તરીકે પાયલબેન બાપોદરાની વરણી કરાઇ છે.