બિલ ગેટ્સ ખિચડી બનાવે છે એ વિડીયો સ્મૃતિ ઈરાનીએ પોતે તેના ટ્વિટર હેન્ડલ પરથી શેર કર્યો હતો જે હાલ વાયરલ થઈ રહ્યો છે.
બિલ ગેટ્સ એ સ્મૃતિ ઈરાની સાથે ખિચડી બનાવતા શીખી
હાલ એમનો એક વિડીયો વાયરલ થઈ રહ્યો છે
'સ્વસ્થ ભવિષ્યની દિશામાં પ્રગતિ કરી રહ્યું છે ભારત' - બિલ ગેટ્સ
માઈક્રોસોફ્ટના ફાઉન્ડર બિલ ગેટ્સ એ ગુરુવારે કેન્દ્રીય મહિલા અને બાળ વિકાસ મંત્રી સ્મૃતિ ઈરાની સાથે ખિચડી બનાવતા શીખી હતી. જણાવી દઈએ કે હાલ એમનો એક વિડીયો વાયરલ થઈ રહ્યો છે જેમાં તેઓ ખિચડીનો વઘાર કરતાં નજર આવી રહ્યા છે. બિલ ગેટ્સ ખિચડી બનાવે છે એ વિડીયો સ્મૃતિ ઈરાનીએ પોતે તેના ટ્વિટર હેન્ડલ પરથી શેર કર્યો હતો જે હાલ વાયરલ થઈ રહ્યો છે. ખીચડીમાં વઘાર કરતાંની સાથે-સાથે બાળકને અન્નપ્રાશન સંસ્કાર પણ કરાવ્યું હતું.
પોષણ 2.0 યોજનાના પ્રશાસકો સાથે કરી મુલાકાત
બિલ ગેટ્સ મહિલા અને બાળ વિકાસ મંત્રાલય દ્વારા આયોજિત 'પોષણ દ્વારા સશક્તિકરણઃ નવા ભારતની મહિલાઓની ઉજવણી' કાર્યક્રમમાં મુખ્ય અતિથિ તરીકે પોશન 2.0 યોજનાના સંચાલકોને મળ્યા હતા . આ પ્રસંગે તેઓ પોષણ 2.0 યોજના હેઠળ કાર્યરત પ્રશાસકોને પણ મળ્યા હતા, જે દેશમાં મહિલાઓ અને બાળકોના સ્વાસ્થ્યને સુધારવા માટે કામ કરી રહી છે.
Recognising the Super Food of India and its POSHAN component..
'સ્વસ્થ ભવિષ્યની દિશામાં પ્રગતિ કરી રહ્યું છે ભારત'
આ વિશે વાત કરતાં બિલ ગેટ્સએ ટ્વિટ કરીને કહ્યું હતું કે, 'ભારત ડેટા અને મોનિટરિંગ પર ધ્યાન કેન્દ્રિત કરીને પોષણ 2.0 દ્વારા મહિલાઓ અને બાળકો માટે તંદુરસ્ત ભવિષ્ય તરફ મજબૂત પ્રગતિ કરી રહ્યું છે. ઇવેન્ટમાં હું બે અદ્ભુત એડમિનિસ્ટ્રેટર્સ એમી જોસેફ અને લક્ષ્મી પ્રિયાને પણ મળ્યો જેઓ પોષણના પરિણામોને સુધારવામાં મદદ કરી રહ્યા છે.'
સરકારની યોજનાએ બદલ્યું મહિલાઓનું જીવન
કાર્યક્રમને સંબોધિત કરતી વખતે સ્મૃતિ ઈરાનીએ પોષણ, આરોગ્ય અને મહિલા સશક્તિકરણને પ્રોત્સાહન આપતી કેન્દ્ર સરકારની વિવિધ યોજનાઓ પર પ્રકાશ આપતા કહ્યું હતું કે, 'પોષણ, જન ધન, આયુષ્માન ભારત જેવી પહેલે ભારતની લાખો મહિલાઓનું જીવન બદલી નાખ્યું છે. વડાપ્રધાન મોદીના નેતૃત્વમાં દેશની વિકાસયાત્રામાં મહિલાઓ માત્ર કેન્દ્રમાં જ નથી રહી પરંતુ અગ્રેસર પણ છે.