ચીનના શંઘાઈમાં કોરોનાએ દાટ વાળ્યો છે. શંઘાઈમાં અત્યાર સુધીના કડક લોકડાઉનને કારણે લોકો પાસે ખાવા-પીવાની વસ્તુઓ ખૂટી છે.
ચીનના શંઘાઈમાં અત્યાર સુધીનું કડક લોકડાઉન
લોકોને ખાવા-પીવાના ફાંફા
ઘરની બારીઓમાંથી ચીસો પાડીને મદદ માગી રહ્યાં છે લોકો
ચીનના શંઘાઈમાં અત્યાર સુધીના કડક લોકડાઉનને કારણે લોકોનું જીવન નર્કાગાર બન્યું છે. છેલ્લા ઘણા સમયથી ઘરોમાં કેદ હોવાને કારણે લોકોની પાસે જીવન મરણનો સવાલ ઊભો થયો છે. લોકો પાસે ખાવા-પીવાનું ખૂટ્યું છે અને દવાઓની પણ ભારે અછત છે. આવી સ્થિતિમાં લોકો ઘરોમાંથી બારીઓમાંથી મદદ માટે પોકારી રહ્યાં છે, તેમનું સાંભળવા માટે પણ કોઈ તૈયાર નથી.
Meanwhile in China's #Shanghai, Municipal Party Committee Li Qiang Jin was visiting the lockdown situation in the residential district. When they're filming down in the street, suddenly the residents from their homes desperately shouted "help, help, help, we have nothing to eat". pic.twitter.com/IsUgN550uq
ચીનના શાંઘાઇમાં કોરોના વાયરસનું વધતું સંક્રમણ અટકવાનું નામ નથી લઇ રહ્યું. જેને ધ્યાનમાં રાખીને ચીની પ્રશાસને અહીં કડક લોકડાઉન લગાવી દીધું છે. રિપોર્ટ મુજબ શાંઘાઈમાં લોકો માટે ભૂખમરા જેવી સ્થિતિ બની ગઈ છે. લોકોને ખાવા-પીવાના ફાંફાં પડી રહ્યા છે. શહેરમાં એક વ્યક્તિ કોવિડ લોકડાઉનના નિયમોનો ભંગ કરીને પોલીસ પાસે પહોંચ્યો હતો. વાસ્તવમાં તેને આશા હતી કે કમ સે કમ તેને જેલમાં ખાવાનું તો મળશે જ.
26 મિલિયન લોકો ઘરોમાં કેદ
શાંઘાઇની વસ્તી લગભગ 26 મિલિયન (260 મિલિયન) છે. સમગ્ર વસ્તીને કડક લોકડાઉનમાં રાખવામાં આવી છે. ચીનનું આર્થિક હબ કહેવાતા આ શહેરને કોરોનાની સૌથી ઘાતક માર પડી રહી છે. 2019માં કોરોનાનો પહેલો કેસ ચીનના વુહાન શહેરમાં જોવા મળ્યો હતો. ત્યાર બાદ કોરોનાનો આ સૌથી વધુ માર છે.
— ★ GNI ★ GAIA NEWS INTERNATIONAL (@GaiaNewsIntl) April 12, 2022
ખાવા-પીવાની સાથે દવાઓ પણ ખૂટી રહી છે
લાંબા સમયથી ઘરોમાં બંધ હોવાના કારણે લોકો માનસિક રીતે પરેશાન થઇ ગયા છે. તેમને રોજિંદી વસ્તુઓ માટે સંઘર્ષ કરવો પડે છે. મીડિયા રિપોર્ટ્સમાં દાવો કરવામાં આવી રહ્યો છે કે લોકો પાસે જે જરૂરી વસ્તુઓ છે તેની કમી સતત વધી રહી છે. દવાઓનો પણ અભાવ જોવા મળી રહ્યો છે. લોકો મોંઘવારીથી પણ ઘણા પરેશાન છે.
લોકો ઘરની બારીમાંથી મદદ માટે પોકાર પાડી રહ્યાં છે
ઘરોની બારીમાંથી મદદ માટે રડી રહ્યા છે, સોશિયલ મીડિયા પર આવા અનેક વીડિયો સામે આવ્યા છે, જેમાં લોકો મદદ માંગતા નજરે પડે છે. લોકો પોતાના ઘરની બારીમાંથી મદદ માટે પોકાર કરી રહ્યા છે. સ્થિતિ સતત બગડી રહી છે. ઘણા લોકો હવે ઘરની બહાર આવીને વિરોધ કરી રહ્યા છે. વિરોધીઓ કહી રહ્યા છે કે અમે ભૂખે મરી રહ્યા છીએ. અમને મદદની જરૂર છે. સરકાર અમારો અવાજ સાંભળી રહી નથી.