VIDEO: અલ્પેશ ઠાકોર આ લાખો રૂપિયાની વૅનિટી વેનમાં એકતા યાત્રા કરશે જુઓ અંદરથી

કોંગ્રેસના ધારાસભ્ય અલ્પેશ ઠાકોર છેલ્લા ઘણા સમયથી વિવાદોમાં જોવા મળી છે. ત્યારે હવે અલ્પેશ ઠાકોરની આગેવાનીમાં એકતા યાત્રાનુ આયોજન થતા ફરી એક વખત વિવાદ જોવા મળ્યો. રવિવારે અંબાજીમાં અંબા માના દર્શન કરીને અલ્પેશ ઠાકોરની એકતા યાત્રાની શરૂઆત થશે. 

યાત્રાની મધ્ય અને સૌરાષ્ટ્ર ઝોનમાં પણ શરૂઆત કરવામાં આવશે. આ યાત્રા અંબાજીથી નીકળીને ઉત્તર ગુજરાતના વિવિધ જિલ્લાઓમાં ફરશે. લોકસભાની ચૂંટણી પહેલા શક્તિપ્રદર્શનને અલ્પેશ સમાજની એકતા અને પ્રેમના સંદેશાની યાત્રા ગણાવી રહ્યા છે. મહત્વનું છે કે કોંગ્રેસ દ્વારા પણ એકતા યાત્રાનુ આયોજન કરવામાં આવી રહ્યુ છે. 




ત્યારે અલ્પેશ ઠાકોર કોંગ્રેસની એકતા યાત્રા પહેલા યાત્રાનુ આયોજન કર્યુ છે. યાત્રા માટે અલ્પેશ ઠાકોરે લાખો રૂપિયાની વેનિટી વાન પણ તૈયાર કરી છે. લક્ઝુરીયસ વાનમાં અલ્પેશ ઠાકોર ગરીબ વર્ગની વાત કરશે. અલ્પેશની યાત્રાથી કોંગ્રેસમાં આંતરિક વિખવાદ તેજ બનવાની સંભાવના છે.