ભાવુક  / VIDEO: કોરોનામાં પિતા ગુમાવનાર દીકરીને માંડવામાં ભાઈએ આપી એવી ગિફ્ટ, જોઈને થઈ જશો ઈમોશનલ 

• કોરોનામાં પિતા ગુમાવનાર દીકરીને માંડવામાં ભાઈની ગિફ્ટ 
• બહેનના લગ્નમાં મૃત પિતાનું આબેહૂબ મીણનું પૂતળું બનાવ્યું
• મૃત પિતાને જોતાં જ બહેન-માતા સહિત હાજર તમામ લોકોની આંખો ભીંજાઇ 

કોરોનામાં સ્વજન ગુમાવ્યા બાદ તે સ્વજન અચાનક આંખોની સામે આવી જાય તો ? આવી જ એક ઘટના કે જેમાં એક ભાઈએ પોતાની બહેનના લગ્નપ્રસંગે જે ગિફ્ટ આપી પોતાના મૃત પિતાની. વાત જાણે એમ છે કે, એક દીકરીના પિતાનું ગતવર્ષે કોરોનાકાળમાં અવસાન થયું હતુ. આ તરફ તાજેતરમાં દીકરીના લગ્ન પ્રસંગે તેના ભાઈએ મૃત પિતાનું આબેહૂબ મીણનું પૂતળું બનાવ્યું હતું. જે બહેનના લગ્ન સમયે તેણીને પિતાની ખોટ ના વર્તે તે માટે ગિફ્ટ આપી હતી. જે જોઈ બહેન-માતા સહિત હાજર તમામ લોકોની આંખો ભીની થઈ ગઈ હતી.  

એનડીટીવી અનુસાર આ વીડિયો હૈદરાબાદનો છે. સાઈ વૈષ્ણવીના લગ્ન થઈ રહ્યા હતા. દરેક વ્યક્તિ ખુશ હતા, પરંતુ એક ખામી હતી,અને એ હતું દીકરીના મૃતક પિતા અવુલા સુબ્રમણ્યમ. દરેક વ્યક્તિ વિચારી રહ્યો હતો કે, આ ખુશીના પ્રસંગે પિતા અવુલા સુબ્રહ્મણ્યમ હાજર હોત તો કેટલું સારું હોત. આ દરમ્યાન વૈષ્ણવીના ભાઈ ફણી કુમારે તેમના પિતાના મીણનું લાઈફ સાઈઝ પૂતળું બનાવ્યું અને લગ્નમાં બધાની સામે રજૂ કર્યું.

મીણનું પૂતળું જોઈ સૌ કોઇની આંખો ભરાઈ ગઈ 

વિડીયોમાં જોવા મળે છે કે, પુત્રી વૈષ્ણવી તેના પિતાને જોતાની સાથે જ ભાવુક થઈ ગઈ અને તે પોતાની ભાવનાઓને કાબૂમાં રાખી શકી નહીં. જ્યારે તેની માતા જયશ્રીએ પણ અચાનક તેના પતિને સામે જોયો ત્યારે તે પહેલા તો આશ્ચર્યચકિત થઈ ગઈ. પરંતુ બાદમાં તે રડવા લાગી. વૈષ્ણવી પિતાની મૂર્તિને ગળે લગાડતી અને ચુંબન કરતી જોઈ શકાય છે. 9 જૂને યોજાયેલા લગ્નમાં હાજર અન્ય સંબંધીઓ પણ પૂતળાને ગળે લગાવીને ભાવુક થઈ ગયા હતા.

શુ કહ્યું દુલ્હનના ભાઇએ ? 

દુલ્હનના ભાઈ ફાનીએ એક ઈન્ટરવ્યુમાં જણાવ્યું કે, તેના અવુલા સુબ્રમણ્યમ પિતા બીએસએનએલમાં નોકરી કરતા હતા. તે પણ કોરોનાની બીજી લહેરમાં ફસાઈ ગયો. તેમનું ઓક્સિજનનું સ્તર નોંધપાત્ર રીતે ઘટી ગયું હતું. તે ત્રણ દિવસ સુધી હોસ્પિટલમાં દાખલ હતા. આ દરમ્યાન તેઓ વેન્ટિલેટર પર હોવાથી કોઈ તેમને મળી શક્યું ન હતું. તેમના મૃત્યુ પછી આખો પરિવાર તૂટી ગયો. પણ કોઈએ હાર ન માની. 

કર્ણાટકમાં મૃત પિતાનું મીણનું પૂતળું બનાવ્યું 

ફાનીના પિતાજીના મૃત્યુ બાદ બધાની એક જ ઈચ્છા હતી કે, જો તેઓ વૈષ્ણવીના લગ્નમાં હોત તો કેવું સારું થાત. હવે આ ઈચ્છા પૂરી થઈ છે. ફણી કુમારે જણાવ્યું કે, તેણે કર્ણાટકમાં પોતાના પિતાનું મીણનું પૂતળું બનાવ્યું હતું. લગભગ એક વર્ષ જેટલો સમય લાગ્યો. આ વીડિયોને યુટ્યુબ પર 80 લાખથી વધુ લોકોએ જોયો છે.