ભારતીય આર્મીનાં સૈનિકો હવે ટૂંક જ સમયમાં હવામાં ઉડાન ભરશે.. આધુનિક ટેકનોલોજી ધરાવતાં જેટપેકનો ડેમો આગ્રા ખાતે કરવામાં આવ્યો જેનો વીડિયો જોઈ તમે પણ કહેશો, વાહ!
ભારતીય આર્મીઓ હવે હવામાં ઉડાન ભરશે
આગ્રામાં કરવામાં આવ્યો જેટપેક ડેમો
સેના માટે અત્યંત મદદરૂપ છે આ સાધન
સંરક્ષણ મંત્રાલયે 24 જાન્યુઆરી 2023નાં ઈન્ડિયન આર્મી દ્વારા હિમાલયન રેન્જમાં દેખરેખ માટે રોબોટ્સ, જેટપેક અને ડ્રોન્સની કોમર્શિયલ બિડીંગ જાહેર કરી હતી. આર્મીને 100 રોબોટિક્સ મ્યૂલ્સની આવશ્યકતા છે જેના માટે પ્રપોઝલ આપવામાં આવ્યું હતું.
આર્મી માટે ઉપયોગી છે જેટપેક
આ તમામમાં સૌથી મોટું આકર્ષણ છે જેટપેક. આ જેટપેકનું ડેમો ગ્રેવિટી ઈન્ડસ્ટ્રીએ આગ્રાનાં રોડ અને અન્ય કેટલાક વિસ્તારોમાં કર્યું છે જેનો વીડિયો જઈને તમે સમજી જ જશો કે ભારતીય આર્મી માટે આ પગલું કેટલું ઉપયોગી સાબિત થશે.
Yesterday, Richard Browning the founder of #Gravity Industries gave a demo of their #Jetpack system to the Indian Army in #Agra.
— Indian Aerospace Defence News (IADN) (@NewsIADN) February 28, 2023
રોબોટ પોતે જ કરી શકે છે કામ
રોબોટનું કદ 1 મીટર હોય અને તેનો ભાર 60 કિગ્રાથી વધારે ન હોવું જોઈએ. એટલું જ નહીં 10 કિગ્રા ભારની સાથે 10000 ફીટથી વધારે એલ્ટિટ્યૂડ પર પણ આ કામ કરી શકવું જોઈએ. હાલમાં સીમાની આર્મી પોસ્ટ સુધી કેટલોક સામાન અને રાશન પહોંચાડવા માટે આ મ્યૂલ્સનો ઉપયોગ કરવામાં આવી રહ્યો છે. આ રોબોટ પોતે જ તમામ કામ કરી લે છે અને નક્કી કરેલા રોડ પર 3 કલાકથી વધારે સમય સુધી ચાલી શકે છે.
પ્લેનની સાથે ઊડશે ભારતનાં સૈનિકો
ઈન્ડિયન આર્મીને રોબોટ્સ સિવાય આધુનિક ટેકનોલોજીનાં જેટપેકની પણ જરૂરિયા છે.તેની સાથે એક એન્જિન લાગેલું હોય છે અને કોઈ બેગપેકની રીતે તેને પહેરવાનું હોય છે. આ પહેર્યાં બાદ કોઈ પણ સૈનિક કોઈપણ સ્થળ પર ઊડી શકશે. આર્મીને જે જેટપેક સૂટ જોઈએ છે તેની સંખ્યા 44 છે અને તેને સ્પેશિયલ ત ઓપરેશન પર ઉપયોગ કરવામાં આવશે. તેનું વજન 40 કિગ્રાથી વધારે ન હોવું જોઈએ જેથી 80 કિગ્રાનાં સૈનિકને લઈને તે ઊડાન ભરી શકે . તેની ઝડપ વધુમાં વધુ 50 કિ.મી/કલાકની હશે.