એક તરફ રાજ્ય સરકાર વાહન ચાલકો જીવ ગુમાવવો ન પડે તે માટે તેઓને હેલમેટ પહેરવાનું કહી તેઓ પ્રત્યે સંવેદના દર્શાવે છે. જ્યારે બીજી તરફ ખાનગી વાહન ચાલકો કાયદાની ઐસી...તૈસી કરી કાયદાને ધોળીને પી ગયા છે.
એક તરફ અકસ્માત નિવારવા હેલમેટ પહેરવાની સુફિયાણી વાતો
ખાનગી વાહન ચાલકો ટ્રાફિકના નિયમોને ઘોળીને પી ગયા
ટ્રાફિક પોલીસ અને આરટીઓ અધિકારીઓ બન્યા મૂક પ્રેક્ષક
એક તરફ રાજ્ય સરકાર વાહન ચાલકો જીવ ગુમાવવો ન પડે તે માટે તેઓને હેલમેટ પહેરવાનું કહી તેઓ પ્રત્યે સંવેદના દર્શાવે છે. જ્યારે બીજી તરફ ખાનગી વાહન ચાલકો કાયદાની ઐસી...તૈસી કરી કાયદાને ધોળીને પી ગયા છે. ત્યારે ખાનગી વાહન ચાલકો વાહનોમાં ઘેટા બકરાની જેમ પેસેન્જરોનાં જીવ જોખમાય તે રીતે વાહનમાં પેસેન્જર ભરતા હોય છે. આવા વાહન ચાલકો સામે પણ પોલીસ દ્વારા કાર્યવાહિ કરવામાં આવે તેવી માંગ ઉઠવા પામી છે.
ખાનગી વાહન ચાલકોએ ઉડાડ્યા નિયમોના ધજાગરા વીડિયો વાયરલ
સાબરકાંઠામાં નેશનલ હાઈવે નં.8 પર ખાનગી વાહન ચાલકો ટ્રાફિકના નિયમો નેવે મુકી લોકોને મોતની સવારીનો વીડિયો સામે આવ્યો છે. ત્યારે હાઈવે પર ગાડીમાં જીવના જોખમે લોકો મુસાફરી કરી રહ્યા છે. હાઈવે પર ટ્રાફિકના નિયમોના ધજાગરા ઉડાવતો વીડિયો વાયરલ થવા પામ્યો છે. ખાનગી વાહનમાં 40 જેટલા મુસાફરો ગાડીમાં મુસાફરી કરતા દેખાઈ રહ્યા છે. ત્યારે મોટી ઘટના સર્જાય અને લોકોનો જીવ ગુમાવવાનો વારો આવે તે જવાબદાર કોણ??? જીલ્લા ટ્રાફિક પોલીસ પર અનેક સવાલો ઉભા થયા છે.
ટ્રાફિક પોલીસ અને આરટીઓ અધિકારીઓ બન્યા મૂક પ્રેક્ષક
ટ્રાફિક પોલીસ તેમજ આરટીઓ અધિકારીની નજર સામે કેટલાક ખાનગી વાહન ચાલકો નિયમો નેવે મુકી મનફાવે તેટલા પેસેન્જરો ભરીને છડેચોક કાયદાનું ઉલ્લંઘન કરી રહ્યા છે. ત્યારે આરટીઓ અધિકારી તેમજ ટ્રાફિક પોલીસ મૂક પ્રેક્ષક બની છે. રોજે રોજ ખાનગી વાહન ચાલકો દ્વારા વાહનમાં પરમીશન કરતા વધુ પેસેન્જરો ભરીને કાયદોનો ભંગ કરે છે. ત્યારે પોલીસ કે આરટીઓ અધિકારી દ્વારા તેઓની સામે પગલા ભરવામાં આવતા નથી તો કોઈ ગમખ્વાર અકસ્માત સર્જાય તો જવાબદાર કોણ?