અરવલ્લી / VIDEO: મોડાસામાં 25 પશુની તસ્કરી કરીને જતી ટ્રક પલટી, 6 પશુના મૃત્યુ, CCTV આવ્યા સામે

• મોડાસાના ગાજણ ટોલ બુથ પાસે ટ્રક પલટી ગયાનો મામલો
• ગઇકાલે મોડી રાતે પશુ ભરેલી ટ્રક પલટી હતી 
• ટ્રક પલટી મારવાના સીસીટીવી આવ્યા સામે 

અરવલ્લી જિલ્લાના મોડાસામાં આવેલા ગાજણ ટોલ બુથ નજીક પશુની તસ્કરી કરતાં ટ્રકનો અકસ્માત થયો હતો. 25 જેટલા પશુઓ ભરી એક ટ્રક મોડી રાત્રે પસાર થઈ રહ્યો હોવાની રામ સેનાના કાર્યકરોને જાણ થઇ હતી. જેને પગલે રામ સેનાના કાર્યકરોએ ટ્રકનો પીછો કર્યો હતો.જે દરમિયાન ટ્રક પલટી ગઈ હતી. આ ઘટનાના સીસીટીવી સામે આવ્યા છે.

25 પશુઓને લઇ જતી ટ્રક પલટી, ગૌરક્ષકો કરી રહ્યા હતા પીછો, 6 પશુઓના અકસ્માતે મોત

અરવલ્લીના મોડાસાના ગાજણ ટોલ બુથ નજીક 25 પશુની તસ્કરી કરીને જતી ટ્રક પલટી. 6 પશુના મૃત્યુ. રામ સેનાના કાર્યકરોએ ટ્રકનો પીછો કરતા ઘટના બની હતી. ઘટનાના CCTV સામે આવ્યા.#Aravalli #cctvfootage #ACCIDENT pic.twitter.com/JRZ46DmjJr

— VTV Gujarati News and Beyond (@VtvGujarati) June 28, 2022

પશુની તસ્કરી કરતા ટ્રકનો થયો હતો અકસ્માત
ગત મોડી રાત્રે 25 જેટલા પશુ ભરી પશુ તસ્કરી કરતા ટ્રકનો રામ સેનાના કાર્યકરોએ પીછો કર્યો હતો. જેનાથી બચવા ટ્રકના ચાલકે બેફામ સ્પીડે ટ્રક ચલાવી હતી.  જ્યાં ટોલ બૂથ પાસે પહોંચતા ટ્રકચાલકે સ્ટીયરિંગ પરનો કાબૂ ગુમાવી દેતા ટ્રક ડિવાઈડર પર ચડી ગયો હતો અને બાદમાં પલટી મારી ગયો હતો. આ અકસ્માતમાં 6 પશુના કરુણ મોત નિપજ્યાં હતા. એટલું જ નહિ ટ્રક ડ્રાઈવરે ગૌ-રક્ષકોની 10 જેટલી બાઇક પર પણ ટ્રક ચડાવવાનો પ્રયાસ કર્યો હતો. આ સમગ્ર ઘટનાના CCTV  સામે આવ્યા છે.