કોરોના વાયરસને કારણે દેશભરમાં લૉકડાઉન ચાલી રહ્યુ છે, એવામાં સેબેલ્સ પોતાના ફેન્સની સાથે કનેક્ટ રહેવા માટે સોશ્યલ મીડિયા પર એક્ટિવ રહે છે અને ડેઇલી પોતાની એક્ટિવિટીઝ શૅર કરે છે. જોકે આ વચ્ચે 'ઉરી' ફેમ વિક્કી કૌશલે એક પોસ્ટ શૅર કરીને આશાનું કિરણ દર્શાવ્યુ છે.
મુંબઇમાં તેની સોસાયટીમાં 11 વર્ષની છોકરી કોરોના વાયરસના સામે જંગ જીતીને ઘરે પરત ફરી છે. સોસાયટીના લોકોએ તેનું તાળી પાડીને સ્વાગત કર્યુ છે. વિક્કીએ વીડિયો શૅર કરીને લખ્યુ છે કે, ''આશાનું કિરણની જેમ અમારી નાની યોદ્ઘા ઘરે પરત ફરી, વેલકમ બેક ચેમ્પ.''
જોકે આ સિવાય પણ એક્ટરને પોલીસ પકડી ગઇ હોવાની પણ અફવા ફેલાઇ હતી. જી હા, લૉકડાઉનમાં વિક્કી ઘરની બહાર નીકળ્યો હતો અને પોલીસે તેને પકડ્યો હતો. આ બાબતે વિક્કીએ મુંબઈ પોલીસને ટેગ કરી બધી ચોખવટ કરી દીધી હતી કે આ પાયા વગરની વાત છે. તેણે લોકોને આવી અફવાઓ પર ધ્યાન ન આપવા વિનંતી કરી હતી.
There are baseless rumours suggesting that I broke the lockdown and got pulled up by the cops. I've not stepped out of my house since the lockdown started. I request people not to heed the rumours. @MumbaiPolice
આ સિવાય વિક્કી કૌશલે પ્રધાનમંત્રી અને મુખ્યમંત્રી રાહત ફંડમાં 1 કરોડ રૂપિયાનું યોગદાન આપવાની જાહેરાત કરી છે.
તો બીજી તરફ એક્ટર વર્કફ્રન્ટની વાત કરવામાં આવે તો વિક્કી કૌશલ છેલ્લે ભૂત પાર્ટ વન: ધ હન્ટેડ શિપ માં જોવા મળ્યો હતો. એક્ટરની અપકમિંગ ફિલ્મ 'સરદાર ઉધમ સિંહ' અને 'તખ્ત' માં પણ જોવા મળશે.