બોલીવુડ એક્ટર વિક્કી કૌશલ અને કેટરીના કૈફની વચ્ચે રિલેશનશીપને લઇને ઘણી વખત માહિતી સામે આવી ગઇ છે. જો કે બંનેએ હજુ સુધી એની પુષ્ટિ કરી નથી.
કેટરીના કૈફ અને વિક્કી કૌશલના રિલેશનશીપના સમાચાર સામે આવી ગયા છે
વિક્કી કૌશલે પહેલી વખત કેટરીના કૈફની સાથે સંબંઘને લઇને પ્રતિક્રિયા આપી છે
વિક્કી કૌશલ જલ્દીથી ધર્મા પ્રોડક્શનની ફિલ્મ 'ભૂત પાર્ટ વન: ધ હૉન્ટેડ શિપ'માં જોવા મળવાનો છે
'મસાન', 'મનમર્જિયા' અને 'ઉરી:ધ સર્જિકલ સ્ટ્રાઇક' જેવી ફિલ્મોમાં પોતાની જોરજાર એક્ટિંગના દમ પર બોલીવુડમાં પોતાની છાપ ઊભી કરનાર એક્ટર વિક્કી કૌશલની ફિલ્મ 'ભૂત' આ વર્ષે રિલીઝ થવાની છે. આ ફિલ્મનું ટીઝર રિલીઝ થઇ ગયું છે. વિક્કી કૌશલ છેલ્લા કેટલાક દિવસોથી બીજી એક ચીજને લઇને પણ ચર્ચામાં છે. વાસ્તવમાં એક્ટ્રેસ કેટરીના કૈફ અને વિક્કી કૌશલના રિલેશનશીપના સમાચાર સામે આવી ગયા છે. જો કે હજુ સુધી બંનેએ આ મામલા પર મૌન રાખ્યું છે. હવે વિક્કી કૌશલે પહેલી વખત કેટરીના કૈફની સાથે સંબંઘને લઇને પ્રતિક્રિયા આપી છે.
એક મીડિયા રિપોર્ટ અનુસાર એક્ટર વિક્કી કૌશલે તાજેતરમાં જ ખાસ વાતચીતમાં આ મામલા પર વાત કરી. એ દરમિયાન એને કહ્યું, 'હું વાસ્તવમાં મારી પર્સનલ લાઇફને ગાર્ડ કરવા ઇચ્છુ છું કારણ કે જો તમે આ માટે વાત કરો છો તો એનાથી વાત ફેલાય છે. ત્યારબાદ નેગેટિવ ફેલાય છે અને હું મારી લાઇફમાં આવું ઇચ્છતો નથી.
વિક્કી કૌશલે આગળ કહ્યું કે, 'મારુ' માનવું છે કે એ સારું રહેશે કે હું મારી પર્સનલ લાઇફને લઇને સતર્ક રહું અને હુ આ સમયે કોઇ પણ ચીજને લઇને ખુલીને વાત કરવા ઇચ્છતો નથી.
જણાવી દઇએ કે વિક્કી કૌશલ અને કેટરીના કેફની વચ્ચે રિલેશનશીપની માહિતી થોડાક દિવસો અગાઉ સામે આવી હતી. પરંતુ બંનેમાંથી કોઇએ એની પર વાત કરી નહતી. તો બીજી બાજુ વિક્કી કૌશલ જલ્દીથી ધર્મા પ્રોડક્શનની ફિલ્મ 'ભૂત પાર્ટ વન: ધ હૉન્ટેડ શિપ'માં જોવા મળવાનો છે. આ ફિલ્મનું પોસ્ટર અને ટીઝર રિલીઝ થઇ ગયું છે.
વાસ્તવમાં આ એક હૉન્ટેડ દરિયાઇ જહાજની સ્ટોરી છે, જેમાં વિક્કી કૌશલ નજરે આવી રહ્યો છે. સામે આવેલા ટીઝરમાં વિક્કી ટૉર્ચ લઇને શિપમાં નીચે તરફ આગળ વધે છે ત્યારે એની દિવાલો પર લોહીથી સની હથેળીના નિશાન જોવા મળે છે.
આ ફિલ્મના પોસ્ટરોથી જ વિક્કી કૌશલે ખૂબ જ ઇમ્પ્રેસ કરી લીધા હતા. આ ફિલ્મમાં ભૂમિ પેડનેકર અને આશુતોષ રાણા પણ મહત્વની ભૂમિકામાં નજરે આવશે. આ હૉરર જૉનરમાં જવાની કરણ જૉહરનો પહેલો પ્રયત્ન છે. નિર્દેશક ભાનુપ્રતાપ સિંહના નિર્દેશનમાં બની આ હૉરર ફિલ્મ 21 ફેબ્રુઆરીએ રિલીઝ થશે.