કોરોના વાયરસ ખૂબ જ ઝડપથી ભારતમાં પગ પેસારો કરી રહ્યો છે અને માયાનગરી મુંબઈમાં પણ આ વાયરસને કારણે લોકો ઘરમાં બંધ છે. આ ખતરનાક વાયરસ ફેલાવાની સાથે ઘણી અફવાઓ પણ ફેલાઈ રહી છે. હાલમાં જ સલમાન ખાનના પિતા સલીમ ખાન પર લોકડાઉન તોડવાનો આરોપ લાગ્યો હતો અને હવે બોલિવૂડ એક્ટર વિક્કી કૌશલે પણ લોકડાઉનનું ભંગ કર્યું હોવાની ચર્ચા ચાલી રહી છે.
હાલ દેશમાં કોરોનાને કારણે લોકડાઉન ચાલુ છે
તો સલમાનના પિતા પછી આ એક્ટરે લોકડાઉન તોડ્યું હોવાની ચર્ચા
હકીકતમાં વિક્કી કૌશલને લોકડાઉનનું ભંગ કર્યું છે અને પોલીસે તેની ધરપકડ કરી હોવાની અફવાઓ ચાલી રહી છે. ત્યારે આ અંગે સ્પષ્ટતા કરતાં વિક્કીએ ટ્વિટ કરીને કહ્યું-એવી અફવાઓ ચાલી રહી છે કે, મૈં લોકડાઉન તોડ્યું છે, જેના કારણે પોલીસે મારી ધરપકડ કરી છે. તો હું કહેવા માંગુ છું કે, જ્યારથી લોકડાઉન શરૂ થયું છે, હું મારા ઘરની બહાર જ નથી નીકળ્યો. હું લોકોને રિકવેસ્ટ કરું છું કે પ્લીઝ આવી અફવાઓ ન ફેલાવો.
There are baseless rumours suggesting that I broke the lockdown and got pulled up by the cops. I've not stepped out of my house since the lockdown started. I request people not to heed the rumours. @MumbaiPolice
ઉલ્લેખનીય છે કે, વિક્કી કૌશલની બિલ્ડિંગમાં એક શખ્સ કોરોના પોઝિટિવ મળવાથી તેની બિલ્ડિંગ ઓબેરોય સ્પ્રિંગ્સનો કેટલોક ભાગ સીલ કરી દેવામાં આવ્યો છે. તેની આ બિલ્ડિંગ અંધેરી વેસ્ટમાં છે. બીએમસી મુજબ અંધેરી વેસ્ટમાં સ્થિત ઓબેરોય સ્પ્રિંગ્સ કંટેનમેન્ટ ઝોનમાં છે.