બોલિવુડ / આ બૉલીવુડ સ્ટારની બિલ્ડીંગ કોરોનાને કારણે થઈ સીલ

વિક્કી કૌશલનું આ બિલ્ડિંગ ઑબરોય સ્પિંગ્સ અંધેરી વેસ્ટમાં છે. BMC અનુસાર, અંધેરી વેસ્ટ સ્થિત ઑબરોય સ્પિંગ્સ કન્ટેનમેન્ટ ઝોન છે. ઉલ્લેખનીય છે કે,ઑબરોય સ્પિંગ્સમાં વિક્કી કૌશલ સિવાય ઘણા એન્ટરટેનમેન્ટ ઇન્ડસ્ટ્રીના લોકો રહે છે. 

રિપોર્ટ અનુસાર, આ બિલ્ડિંગમાં વિક્કી કૌશલ સિવાય ચિત્રાંગદા સિંહ, રાજકુમાર રાવ, પત્રલેખા, રાહુલ દેવ, મુગ્ધા ગોડસે, સિંગર સપના મુખર્જી, કૃષ્ણા અભિષેક, કાશ્મીરા સિંહ, નીલ નીતિન મુકેશ, ડિરેક્ટર આનંદ એલ રાય, વિપુલ શાહ, પ્રભુ દેવા, ફિલ્મમેકર-કોરયોગ્રાફર અહમદ ખાન, અર્જૂન બાજવા, ટીવી એક્ટ્રેસ ચાહત ખન્ના પણ રહે છે. 

ઉલ્લેખનીય છે કે બોલિવૂડમાં કનિકા કપૂર પહેલી સેલિબ્રિટી હતી, જેનો કોવિડ 19 (કોરોનાવાઈરસ)નો ટેસ્ટ પોઝિટિવ આવ્યો હતો. હાલમાં તે લખનઉમાં તેના પેરેન્ટ્સ પાસે છે. આ પછી પ્રોડ્યુસર કરીમ મોરાની અને તેમની બંને દિકરી પણ કોરોના ટેસ્ટમાં પોઝિટિવ હતી. જોકે બંનેના કેસ અલગ હતા. આ સિવાય  સુઝાન ખાનની બહેન તથા જ્વેલરી ડિઝાઈનર ફરાહ ખાન અલીના હાઉસ સ્ટાફમાંથી એક વ્યક્તિનો કોરોના ટેસ્ટ પોઝિટિવ આવ્યો હતો. ત્યારબાદ ફરાહે પૂરા પરિવારનો ટેસ્ટ કરાવ્યો હતો પરંતુ તમામનો રિપોર્ટ નેગેટિવ આવ્યો હતો. હાલમાં ફરાહ પરિવાર સાથે 14 દિવસ સુધી ક્વૉરન્ટીનમાં રહેશે.