વિક્કી-કેટરીનાના લગ્નની ખબરોની વચ્ચે વધુ એક એક્ટ્રેસના લગ્નની ચર્ચા થઈ રહી છે.
વિક્કી-કેટરીના બાદ વધુ એક લગ્નની ચર્ચા
આ એક્ટ્રેસ કરવા જઈ રહી છે લગ્ન?
જાણો કોણે આપી હિન્ટ
દેશમાં હાલ લગ્ન સિઝન ચાલી રહી છે. બી-ટાઉનમાં પણ કંઈક આવું જ જોવા મળી રહ્યું છે. રાજકુમાર રાવ (Rajkummar Rao) અને પત્રલેખા (Patralekha) હાલમાં જ લગ્નના બંધનમાં બંધાઈ ગયા અને હવે વિક્કી કૌશલ (Vicky Kaushal) અને કેટરીના કૈફ (Katrina Kaif) પણ લગ્ન કરવા જઈ રહ્યા છે. બન્નેના લગ્નને એક જ દિવસ બાકી છે પરંતુ હજુ સુધી બન્નેએ પોતાના લગ્નન લઈને કંઈ નથી કહ્યું. વિક્કી અને કેટરીનાના લગ્નની વચ્ચે હવે એક્ટ્રેસ શ્રદ્ધા કપૂર પણ પોતાના રિલેશનશિપ સ્ટેટસને લઈને ચર્ચામાં છે.
મીડિયા રિપોર્ટ્સ અનુસાર શ્રદ્ધા કપૂર પાછલા થોડા સમયથી ફેમસ ફોટોગ્રાફર રોહન શ્રેષ્ઠને ડેટ કરી રહી છે અને બન્નેને ઘણી વખત સાથે સ્પોર્ટ કરવામાં આવ્યા છે. પાછલાં ઘણા સમયથી બન્નેના લગ્નને લઈને ખૂબ જ ચર્ચા થઈ રહી છે. જેના પર હવે શ્રદ્ધાના માસી અને દિગ્ગજ અભિનેત્રી પદ્મિની કોલ્હાપુરે પણ પ્રતિક્રિયા આપી છે.
પદ્મિની કોલ્હાપુરે હાલમાં જ 'યે ગલિયા યે ચૌબારા'ને રિક્રિએટેડ વર્ઝનને લોન્ચ કર્યું છે. જેને, તેમણે પોતાનો અવાજ આપ્યો છે શ્રદ્ધા કપૂરે પણ ઈન્સ્ટાગ્રામ પર પોતાના માસીનો ટ્રેક શેર કર્યો છે. શ્રદ્ધાના પોસ્ટ પર પ્રતિક્રિયા આપતા પદ્મિનીએ લખ્યું છે.- "આ તારા અને વેદિકાના લગ્નના દિવસે ગાઈશ "
હવે પદ્મિનીએ શ્રદ્ધા કપૂરના પોસ્ટ પર પોતાની કમેન્ટ પર વાત કરતા એક ઈન્ટરવ્યૂમાં કહ્યું હતું, "જે દિવસથી આ ગીત મેં શૂટ કર્યું છે. ત્યારથી જ તે મારા દિલના ખૂબ જ નજીક છે. હું હંમેશાથી આ ગીત મારી દિકરીના સ્પેશિયલ ડે પર ગાવા માંગતી હતી. મારા માટે દિકરી વેદિકા અને ભાણી શ્રદ્ધા એક સમાન જ છે."
પદ્મિનીએ આગળ કહ્યું,- "હું આ ગીત મારા દિકરા (પ્રિયાંક)ના લગ્નમાં ગાવા માંગતી હતી. પરંતુ ત્યારે આ ગીત રીલીઝ ન હતુ થયું. જેના કારણે તે ન ગઈ શકી. હું ત્યારે પણ ગીત રિક્રિએટ કરવા માંગતી હતી. જેના દ્વારા મેં એક દિકરી અને માતાની વચ્ચેનો બોન્ડ દર્શાવી શકૂ." આ પહેલા શ્રદ્ધા કપૂરના પિતા અને દિગ્ગજ બોલિવુડ અભિનેતાએ દિકરીના લગ્ન પર પ્રતિક્રિયા આપતા કહ્યું હતું કે તેમને શ્રદ્ધા અને રોહનના રિલેશન વિશે કોઈ જાણકારી નથી. ત્યાં જ રોહનને શ્રદ્ધાનો સારો મિત્ર સમજે છે.