રિતિક રોશન સ્ટારર 'સુપર 30' બોક્સ ઑફિસ પર શાનદાર કમાણી કરી રહી છે. પટનાના મૈથમૈટિશિયન આનંદ કુમારની જિંદગી પર આધારિત ફિલ્મને સારો રિસપોન્સ મળી રહ્યો છે.
બુધવારના ઉપરાષ્ટ્રપતિ વેંકૈયા નાયડૂ માટે ફિલ્મની સ્પેશિયલ સ્ક્રીનિંગ રાખવામાં આવી હતી. રિતિક રોશન, ફિલ્મમેકર સાજિદ નડિયાદવાલા અને આનંદ કુમાર સ્ક્રીનિંગ માટે દિલ્હી પહોંચ્યા હતા.
રિતિક રોશને સોશ્યલ મીડિયા પર ઉપરાષ્ટ્રપતિ વેંકૈયા નાયડૂની સાથેની મુલાકાતની ફોટો શૅર કરી છે. આ સાથે જ એક્ટરે ઉપરાષ્ટ્રપતિનો આભાર માન્યો હતો. સોશ્યલ મીડિયા પર સ્ક્રીનિંગની ફોટો શૅર કરીને રિતિકે લખ્યુ કે, ''ભારતના ઉપરાષ્ટ્રપતિ વેંકૈયા નાયડૂને મળવુ સન્માનજનક રહ્યુ. મહત્વના મુદ્દા પર વાતચીત થઇ, તેમના વિચારોએ ખરી રીતે તેમના કેટલું જ્ઞાન રહેલું છે, તે વાતનો ખ્યાલ અપાવ્યો. સર, આ પ્રસંગ માટે ધન્યવાદ. તમારું પ્રોત્સાહન અમારા માટે દુનિયા છે. ફિલ્મ પ્રત્યે તમારા પ્રેમ માટે તમારો તથા તમારા પૂરા પરિવારનો આભારી છું.''
આ પહેલાં રીતિક રોશન બિહારના ઉપમુખ્યમંત્રી સુશીલ કુમાર મોદીને મળ્યો હતો. બિહારમાં 'સુપર 30' ટેક્સ ફ્રી થયા બાદ રીતિકે સુશીલ કુમારમોદીનો આભાર માન્યો હતો. ટ્વિટર પર ફોટો શૅર કરીને એક્ટરે લખ્યું હતું, ''સુશીલજી, તમને મળીને ઘણી જ પ્રેરણા મળી. આ મુલાકાત માટે આભાર...''
'સુપર 30'એ 5 દિવસમાં 64.07 કરોડની કમાણી કરી છે. ફિલ્મે વર્કિંગ ડેઝમાં પણ સારી કમાણી કરીને બોક્સ ઑફિસ પર ટક્કર આપી રહી છે. આ ફિલ્મ રિતિક સિવાય મૃણાલ ઠાકુર અને પંકજ ત્રિપાઠી લીડ રોલમાં છે.