વાઈબ્રન્ટ ગુજરાત-2022 માટે દિલ્હીમાં રોડ શો કર્યા બાદ હવે આવતીકાલે મુંબઈમાં પણ સીએમ ભૂપેન્દ્ર પટેલ રોડ શો કરશે. 8 અને 9 ડિસેમ્બરે જશે દુબઈ
મુખ્યમંત્રી ભૂપેન્દ્ર પટેલનો રોડ શો
વાઈબ્રન્ટ સમિટ માટે મુંબઈમાં રોડ શો
મીટીંગ હોટેલ તાજ ખાતે યોજાશે
10 જાન્યુઆરીથી ગાંધીનગરમાં ત્રિ-દિવસીય વાઈબ્રન્ટ સમિટનું આયોજન થવા જઈ રહ્યું છે. મુખ્યમંત્રી ભૂપેન્દ્ર પટેલે 10મી વાઈબ્રન્ટ સમિતના ઉપલક્ષમાં પહેલા દિલ્હીમાં રોડ શો કર્યો હતો જે બાદ હવે આવતીકાલે મુંબઈમાં પણ રોડ શો કરશે.
મુખ્યમંત્રી ભૂપેન્દ્ર પટેલનો મુંબઈનો કાર્યક્રમ
વાઈબ્રન્ટ સમિટ અંગે સરકારના પ્રવક્તા જીતુ વાઘાણીએ નિવેદન આપતા કહ્યું છે કે આવતીકાલે મુખ્યમંત્રી ભૂપેન્દ્ર પટેલ વાઈબ્રન્ટ સમિટના રોડ શો માટે મુંબઇ જશે. જ્યાં મુંબઈ સ્ટોક એક્સચેન્જની મુલાકાત લેશે સાથે જ સિદ્ધિ વિનાયક મંદિરના દર્શન પણ કરશે.
દુબઇમાં ઉદ્યોગકારો સાથે ચર્ચા
10 જાન્યુઆરીએ વાઈબ્રન્ટ સમિટની તૈયારીને આખરી ઓપ અપાઈ રહ્યો છે. ઉદ્યાગકારોને આકર્ષવા રોડ શો તેમજ રૂબરૂ મુલાકાત લઈ વાઈબ્રન્ટ સમિટમાં આવવા આમંત્રણ આપવામાં આવી રહ્યું છે. આ પગલે 8 અને 9 ડિસેમ્બરના રોજ મુખ્યમંત્રી ભૂપેન્દ્ર પટેલ દુબઇ પ્રવાસે જશે. જ્યાં ઇન્ડિયા એપેક્સ શોની મુલાકાત લેશે સાથે જ દુબઇમાં ઉદ્યોગકારો સાથે વન ટુ વન બેઠક કરી ગુજરાતમાં રોકાણ કરવા ચર્ચા કરશે
આ પહેલા દિલ્હીમાં કર્યો હતો રોડ શો
25 નવેમ્બરના રોજ રાજધાની નવી દિલ્હી ખાતે વાઈબ્રન્ટ ગુજરાત ગ્લોબલ સમિટ 2022 ના પ્રથમ રોડ શો સીએમ ભૂપેન્દ્ર પટેલે દિલ્હી ખાતે કર્યો હતો. અગ્રણી ઉદ્યોગ સંચાલકો સાથે વન ટુ વન બેઠક કરી દિવસની શરુઆત કરી હતી.આ અન્વયે મારુતિ સુઝુકી ઇંડિયા લિમિટેડના M.D અને CEO શ્રી કેનીચી આયકાવા સાથે બેઠક કરી 16 હજાર કરોડના રોકાણની પણ વિગતો મેળવી હતી.