વાયબ્રન્ટ ગુજરાત સમિટ સતત ત્રીજા વર્ષ પણ રદ્દ થવાની શક્યતા છે,આ પહેલા જાન્યુઆરીમાં કોરોનાને કારણે વાયબ્રન્ટ સમિટ મોકૂફ રાખવામાં આવી હતી
વાયબ્રન્ટ ગુજરાત સમિટ રદની શક્યતા
પહેલા કોરોનાને કારણે વાયબ્રન્ટ સમિટ મોકૂફ રાખવામાં આવી હતી
અગાઉ જાન્યુઆરીની 10 11 અને 12 તારીખે વાયબ્રન્ટ ગુજરાત સમિટનું આયોજન કરવામાં આવ્યું હતું પણ કોરોનાની ત્રીજી લહેર વધુ વકરાતા આયોજન મોકૂફ કરવાની જાહેરાત પણ કરવામાં આવી હતી. જે બાદ એ પણ માહિતી આપવામાં આવી હતી કે વાયબ્રન્ટ ગુજરાત સમિટના આયોજનને 3જી લહેર શાંત થતાં ફરીથી ગોઠવવામાં આવશે પણ હાલની વિશ્વની સ્થિતિને ધ્યાને રાખતા વાયબ્રન્ટ ગુજરાત સમિટ સતત ત્રીજા વર્ષ પણ રદ્દ થવાની શક્યતા છે.
જો રદ્દ થઈ તો કરોડોનો ખર્ચો સ્વાહા..!
વાયબ્રન્ટ ગુજરાત સમિટ 2022ની સફળ બનાવવા કરોડોનો ખર્ચો પણ સરકાર દ્વારા કરવામાં આવ્યો હતો. તમામ તૈયારીઓ પણ જાન્યુઆરીમાં પૂર્ણ કરી દેવામાં આવી હતી પણ કોરોનાની વિકટ સ્થિતિ સામે આવતા પહેલા કાર્યક્રમ મોકૂફ રાખવામાં આવ્યો હતો જે બાદ રશિયા યુક્રેન યુદ્ધની સ્થિતિને લીધે હવે સમિટ રદ્દ થવાની શક્યતા છે. કારણ કે મોટી સંખ્યામાં વિદેશી મહેમાનો આ સમિટમાં ભાગ લેવાના છે પણ વૈશ્વિક સંકટને કારણે જો વાયબ્રન્ટ ગુજરાત સમિટ આ વખતે પણ આયોજન કરી રદ્દ કરી દેવામાં આવે તો કરોડોના ખર્ચ પર પાણી ફરી વળે તેમ છે.
ડિફેન્સ એક્સપો પણ મોકૂફ
ગુજરાતના આંગણે 10 થી 14 માર્ચ દરમિયાન ડિફેન્સ એક્સપો યોજાનાર ડિફેન્સ એક્સપો હાલ મુલત્વી રાખવામાં આવ્યો છે. મિનીસ્ટ્રી ઓફ ડિફેન્સના સ્પોક પર્સન ભરતભૂષણ બાબુ દ્વારા હાલ ડિફેન્સ એક્સપો મોકૂફ કરાયાની જાહેરાત કરાઈ છે.તેમણે ટ્વીટ કરીને કહ્યુ કે, ગુજરાતના ગાંધીનગરમાં 10 થી 14 માર્ચ દરમિયાન આયોજિત ડિફેન્સ એક્સપોને હાલ લોજિસ્ટિક સમસ્યાઓને કારણે મોકૂફ કરાયો છે. ટૂંક સમયમાં જ નવી તારીખ જાહેર કરવામાં આવશે.