ચૂંટણી / મતદાન મથકમાં 'મોદી હૈ તો મુમકિન હૈ'ના નારા લગાવતા વિભાવરીબેન દવે ફસાયા

મતદાન મથકમાં મોદી હૈ તો મુમકીન હૈના નારા લગાવી મંત્રી વિભાવરી દવે ફસાયા છે. આ મામલે કોંગ્રેસે આચારસંહિતા ભંગની ફરિયાદ નોંધાવી છે. આરોપ છે કે, મંત્રી વિભાવરી દવેએ મતદારો સાથેની લાઈનમાં ઉભા રહી તેમજ મતદાન મથકની અંદર પણ સૂત્રોચ્ચાર કર્યા હતા.

 

વિભાવરીબેન દવે ખુલ્લે આમ આચાર સહિતનો ભંગ,મતદાન બુથ પર જાહેરમાં સુત્રોચ્ચાર કરતા નજરે પડ્યા.@vibhavaridave #ElectionDay #ElectionCommissionOfIndia @vibhavaridave #VoteKar #GeneralElection #LokSabhaElections2019 #GujaratVoting#Phase3 #VTVMyVote pic.twitter.com/r1q8hEQMIe

— VTV Gujarati News (@VtvGujarati) April 23, 2019

આ મામલે કોંગ્રેસના નેતાએ ફરિયાદ નોંધાવી છે. તો બીજી તરફ આ અંગે વિભાવરી દવેએ કંઈ પણ બોલવાનો ઈનકાર કર્યો અને પ્રશ્નનો જવાબ આપવાના બદલે વિભાવરી દવે કેમેરાથી દૂર જ રહ્યા.

ચૂંટણીપંચના નિયમ મુજબ 100 મીટરના વિસ્તારમાં કોને મત આપવો તેવી ચર્ચા કે નારા ન લગાવી શકાય. પરંતુ વિભાવરીબેન દવેએ ભાવનગરના હિલ ડ્રાઇવ ફૂલવાડી વિસ્તારમા આવેલા મતદાન મથકે મત આપવા ગયા હતા ત્યારે તેણે નારા લગાવ્યા હતા. 

104 ભાવનગર પૂર્વ મત વિસ્તારમાં વિભાવરીબેન દવેએ મતદાન કર્યા બાદ બૂથ બહાર ભાજપ પક્ષના સમર્થનમાં સૂત્રોચ્ચાર પોકારતા કોંગ્રેસ દ્વારા તેમના વિરૂદ્ધમાં આચારસંહિતા ભંગની ફરિયાદ કરી છે.