ઓફર / ગ્રાહકો માટે જબરદસ્ત ઓફર, 49 રૂપિયાનો પ્લાન મેળવો ફ્રી અને 79 રૂપિયામાં ડબલ ટોકટાઈમ સહિત ધાંસૂ સુવિધા

• વોડાફોનના ગ્રાહકો માટે સારાં સમાચાર
• કંપની ગ્રાહકોને આ પ્લાન ફ્રીમાં ઓફર કરી રહી છે
• કંપની 79 રૂપિયાના પ્લાનમાં ડબલ ટોકટાઈમ આપી રહી છે

કંપનીએ કોરોના મહામારીને ધ્યાનમાં રાખીને 49 રૂપિયાનો પેક ફ્રીમાં ઓફર કરવાની જાહેરાત કરી છે. કંપની પાસે હાલ 6 કરોડ લો-ઈન્કમ યુઝર્સ છે. કંપનીનો પ્રયાસ છે કે, આ મુશ્કેલ સમયમાં યુઝર્સ તેમના પરિવારને સરળતાથી કનેક્ટ કરી શકે છે. 

49 રૂપિયાના પ્લાનમાં મળતા બેનિફિટ

વોડાફોનના 49 રૂપિયાના પ્લાનમાં યુઝર્સને 38 રૂપિયાનો ટોકટાઈમ અને 100 એમબી ડેટા મળે છે. આ પ્લાનમાં 28 દિવસની વેલિડિટી મળે છે. 49 રૂપિયાના પ્લાનને ફ્રીમાં આપવાની સાથે કંપની આરસી79 નામનો એક કોમ્બો વાઉચર પણ લઈને આવી છે. 

79 રૂપિયાના પ્લાનમાં મળતા બેનિફિટ

વોડાફોનના 79 રૂપિયાના કોમ્બો વાઉચરમાં કંપની યુઝર્સને 64+64 એટલે કે 128 રૂપિયાનો ડબર ટોકટાઈમ મળે છે. સાથે જ 200 એમબી ડેટા મળે છે. આ પ્લાનમાં 28 દિવસની વેલિડિટી મળે છે. કંપનીનો આ કોમ્બો પ્લાન સીમિત સમય માટે જ ઉપલબ્ધ રહેશે. 

એરટેલ અને જિયોની ખાસ ઓફર

વોડાફોનની જેમ એરટેલ અને જિયો પણ લો-ઈન્કમ યુઝર્સને ખાસ ઓફર આપી રહ્યાં છે. એરટેલ પણ 49 રૂપિયાનો પ્લાન ફ્રીમાં ઓફર કરવાની જાહેરાત કરી છે. આ પ્લાનમાં યુઝર્સને 38 રૂપિયાનો ટોકટાઈમ અને 100 એમબી ડેટા મળે છે. આ પ્લાનમાં 28 દિવસની વેલિડિટી મળે છે. આ સિવાય 79 રૂપિયાનો પ્લાન પણ એરટેલ ઓફર કરી રહી છે. તેમાં  પ્લાનમાં યુઝર્સને 128 રૂપિયાનો ટોકટાઈમ અને 200 એમબી ડેટા મળે છે. આ પ્લાનમાં 28 દિવસની વેલિડિટી મળે છે.

જિયો એક પ્લાન પર બીજો પ્લાન ફ્રી આપી રહ્યું છે

જિયોની વાત કરીએ તો કંપની જિયો ફોનના યુઝર્સ માટે ખાસ બેનિફિટ લઈને આવી છે. તેમાં યુઝર્સને 10 મિનિટ ફ્રી ટોકટાઈમની સાથે એક પ્લાનના રિચાર્જ પર બીજો પ્લાન ફ્રી આપી રહી છે. પ્લાનમાં રિચાર્જ કરાવ્યા બાદ ફ્રીમાં મળતા બીજો પ્લાન પહેલાં પ્લાનની વેલિડિટી ખતમ થયા બાદ એક્ટિવેટ થાય છે.