બધી ભારતીય ટેલીકોમ કંપનીઓનો પ્રયાસ રહે છે કે તેઓ પોતાના ગ્રાહકોને ઓછામાં ઓછા ભાવે વધુ ફાયદો અપાવી શકે છે. આપણા દેશની મુખ્ય ત્રણ કંપનીઓ વોડાફોન આઈડિયા, એરટેલ અને રિલાયન્સ જીયો પણ પોતાના યુઝર્સને આવા જ પ્લાન ઓફર કરે છે. આવો આ ત્રણેય કંપનીઓના સસ્તા પ્રીપેડ રિચાર્જ પ્લાન પર નાખીએ એક નજર. જેમાં તમને ઓછા રૂપિયે વધુ લાભ મળશે.
Vi, Airtel અને Jio ના સૌથી સસ્તા રિચાર્જ પ્લાન
ઓછા રૂપિયે દરરોજ મેળવો 4GB ડેટા
પ્રિપેડ રિચાર્જ પ્લાનમાં મળશે સારી સુવિધા
500 રૂપિયાથી ઓછી કિંમતે Vi આપી રહ્યો છે 4GB ડેટા દરરોજ
વીનો 299 રૂપિયાવાળો પ્લાન
299 રૂપિયાના બદલે વી આ પ્લાનમાં ગ્રાહકોને 28 દિવસ માટે દરરોજ 4GB ડેટા, કોઈ પણ નેટવર્ક પર અનલિમિટેડ કોલિંગ અને દરરોજના 100 એસએમએસની સુવિધા આપી રહ્યો છે. 4GB ડેટાની સાથે આ પ્લાનમાં તમને બિન્જ ઓલ નાઈટની પણ સુવિધા મળશે. જેને કારણે તમે રાત્રિના 12 વાગ્યાથી લઇને સવારે 6 વાગ્યા સુધી અનલિમિટેડ ડેટાનો ઉપયોગ કરી શકશો. આ સાથે વીકેન્ડ ડેટા રોલઓવરનો પણ વિકલ્પ તમને આપવામાં આવશે. ઓટીટીની સુવિધાની વાત કરીએ તો તેમાં તમને મૂવી એન્ડ ટીવી ક્લાસિક્સની ફ્રી મેમ્બરશિપ પણ મળશે.
વીનો 449 રૂપિયાવાળો પ્લાન
આ પ્લાન 299 રૂપિયાવાળા પ્લાન જેવો છે. જેમાં કંપની તમને 449 રૂપિયામાં દરરોજના 100 એસએમએસ કોઈ પણ નેટવર્ક પર અનલિમિટેડ ફ્રી કોલિંગ અને દરરોજ 4GB ડેટાની સુવિધા આપશે. દરરોજના 4GB ડેટાની સાથે તમને બિન્જ ઓલ નાઈટનો પણ વિકલ્પ મળશે. કંપનીના આ ફીચરથી તમે રાત્રિના 12 વાગ્યાથી લઇને સવારે 6 વાગ્યા સુધી અનલિમિટેડ ડેટાનો ઉપયોગ કરી શકો છો. આ સાથે તમને વીકેન્ડ ડેટા રોલઓવરની સુવિધા પણ આપવામાં આવશે. ઓટીટીની સુવિધાની વાત કરીએ તો તેમાં તમને મૂવી એન્ડ ટીવી ક્લાસિક્સની ફ્રી મેમ્બરશિપ પણ મળશે.
600 રૂપિયાથી પણ ઓછા દરે એરટેલ આપે છે સારી સુવિધા
એરટેલનો 499 રૂપિયાવાળો પ્લાન
જેમકે આપણે બધા જાણીએ છીએ કે આ પ્લાનની કિંમત 499 રૂપિયા છે અને તેમાં તમને દરરોજ 3GB ડેટા, કોઈ પણ નેટવર્ક પર ફ્રી અનલિમિટેડ કોલિંગ અને દરરોજના 100 SMS ની સુવિધા મળશે. આ પ્લાનની સમય મર્યાદા 28 દિવસની છે. આ સાથે તમને ડીજની પ્લસ હોટ સ્ટારનું એક વર્ષનું સબ્સ્ક્રીપ્શન, મોબાઈલ એડિશનનું ફ્રી ટ્રાયલ, એપોલો 24-7 સર્કલ, ફ્રી ઓનલાઈન કોર્સ અને હેલોટ્યુન્સ, વિન્ક મ્યૂઝીકનું ફ્રી એક્સેસ અને FASTag પર 100 રૂપિયાનું કેશબેક મળે છે.
એરટેલનો 558 રૂપિયાવાળો પ્લાન
આ પ્લાનમાં તમને 56 દિવસ માટે દરરોજના 100 SMS, કોઈ પણ નેટવર્ક પર ફ્રી અનલિમિટેડ કોલિંગ અને દરરોજનો 3GB ડેટા મળશે. આ સાથે તમને ડીજની પ્લસ હોટ સ્ટારનું એક વર્ષનું સબ્સ્ક્રીપ્શન, મોબાઈલ એડિશનનું ફ્રી ટ્રાયલ, એપોલો 24-7 સર્કલ, ફ્રી ઓનલાઈન કોર્સ અને હેલોટ્યુન્સ, વિન્ક મ્યૂઝીકનું ફ્રી એક્સેસ અને FASTag પર 100 રૂપિયાનું કેશબેક મળે છે.
જિયોની પાસે 600 રૂપિયાથી નીચેના પ્લાન
જિયોનો 599 રૂપિયાવાળો પ્લાન
આ જિયોનો 600 રૂપિયાથી નીચેનો સૌથી મોંઘો પ્લાન છે. આ પ્લાનમાં જિયો તમને 599 રૂપિયાના બદલામાં 84 દિવસો માટે દરરોજ 2GB ડેટા, કોઈ પણ નેટવર્ક પર ફ્રી અનલિમિટેડ વોઈસ કોલિંગ અને દરરોજના 100 SMSની સુવિધા મળશે. આ પ્લાનમાં તમને જિયો મ્યુઝીક, જીયો ટીવી અને જીયો સિનેમા જેવી એપ્સનું ફ્રી સબ્સ્ક્રીપ્શન પણ આપવામાં આવશે.