સુરતના વાયરલ વેવાઈ-વેવાણના કેસમાં ફરીથી નવો વળાંક આવ્યો છે. દીકરી અને દીકરાની સગાઈમાં પુરાણા પ્રેમના ફરીથી પાંગરેલા અંકુરને પગલે બંને શેહ શરમ રાખ્યા વિના ઉજ્જેન નાસી ગયા હતા. ત્યાં 17 દિવસ મજા કરીને પરત પણ આવી ગયા હતા ત્યારે વળી પાછા ઘરસંસારમાં ગોઠવાઈ જઈને જાણે કંઈ બન્યુ જ નથી તેમ રહેવા લાગ્યા હતા. પણ એકવાર ફરીથી લાગેલી પહેલા પ્રેમની આગ ફરી ભભુકી ઉઠી હતી અને આખરે બંને ફરીથી ફરાર થઈ ગયા છે. ત્યારે આ મામલો ફરીથી પોલીસ સ્ટેશન પહોંચી ગયો છે.
દીકરીના લગ્ન બાદ ફરીથી વેવાઈ વેવણ ફરાર
વેવાણને પતિએ ન સ્વીકારતા વેવાઈએ પ્રેમિકાને વહારે આવ્યા
આખરે મામલો પોલીસ સ્ટેશન પહોંચ્યો
13 ફેબ્રુઆરીએ તેમની દીકરીના લગ્ન યોજાયા હતા 15 દિવસ બાદ ફરી વેવાઈ અને વેવાણ સાથે ફરાર થયા છે. વેવાઈ અને વેવાણ પ્રથમવાર ફરાર થઈ ગયા બાદ વેવાઈને તેમના પરિવારે સ્વીકાર કરી લીધા હતા. જોકે વેવાણને તેમના પતિએ સ્વીકાર્યા ન હતા. જેથી તે તેમના પિતાના ઘરે રહેતા હતા. આ કારણોસર વેવાઈ વ્યથિત હતા અને આમ ફરી એકવાર વેવાઈ અને વેવાણ ભાગી ગયા હોવાની ચર્ચાઓએ જોર પકડ્યું છે.
વેવાણને તેમના પતિએ સ્વીકાર્યા ન હતા
સુરતમાં વેવાઈ અને વેવાણ ફરી ભાગી ગયા હતા. ત્યારે એવી પણ ચર્ચાઓ થઈ રહી છે કે વેવાઈ તેમની દીકરીના લગ્ન સંપન્ન કરાવવા માટે જ પાછા ફર્યા હતા. 13-14 ફેબ્રુઆરીએ તેમની દીકરીના લગ્ન યોજાયા હતા. 15 દિવસ બાદ ફરી વેવાઈ અને વેવાણ સાથે ફરાર થયા હતા. વેવાઈ અને વેવાણ પ્રથમવાર ફરાર થઈ ગયા બાદ વેવાઈને તેમના પરિવારે સ્વીકાર કરી લીધા હતા. જોકે વેવાણને તેમના પતિએ સ્વીકાર્યા ન હતા. જેથી તે તેમના પિતાના ઘરે રહેતા હતા. આ કારણોસર વેવાઈ વ્યથિત હતા અને આમ ફરી એકવાર વેવાઈ અને વેવાણ ભાગી ગયા હોવાની ચર્ચાઓએ જોર પકડ્યું છે.
મારા કારણે વેવાણને ભાગવાનો વારો આવ્યોઃ વેવાઇ
વેવાઇના દીકરીના લગ્ન સંપન્ન કર્યા બાદ વેવાઇએ વેવાણને ઘરે લાવવાની જીદ પકડી હતી. વેવાઇએ પરિવારજનોને જણાવ્યું હતું કે મારા કારણે વેવાણને ભાગવાનો વારો આવ્યો છે. તેથી મારે તેને મારી સાથે રાખવી છે. આપણે સૌ સાથે મળીને પરિવારની જેમ રહીશુ. પરંતુ પત્ની સહિત પરિવારે ભારે વિરોધ કરતા તેનો આ પ્લાન નિષ્ફળ રહ્યો હતો. પરિવારના ભારે વિરોધને કારણે બન્ને ફરીથી ભાગી ગયા હતાં. 29 ફેબ્રુઆરીના રોજ ઘરેથી ભાગેલા વેવાઈ-વેવાણ નાસિકથી પરત આવી ગયા હોવાની ચર્ચા છે. જોકે હવે તેઓ સુરતમાં જ હોવાનું પણ ચર્ચાઇ રહ્યું છે.
પત્નીએ મને સાથ ન આપ્યો, પરંતુ હું મારી પ્રેમિકાને નહીં છોડી શકુઃ વેવાઈ
વેવાઇના નજીકના લોકોના જણાવ્યા અનુસાર, પિતા શરૂઆતમાં વેવાણને રાખવા તૈયાર ન હતા, પરંતુ સામાજિક આગેવાનોએ જણાવ્યું હતું કે થોડા દિવસ તમે રહેવા દો, બાદમાં મામલો શાંત પડતા પતિ પાછી તેડી જશે. પરંતુ, પતિએ વેવાણને ફરીથી સ્વીકારવાનો સાફ ઇન્કાર કરતા તે મૂંઝવણમાં મુકાઇ હતી. તેથી બન્ને ફરીથી ભાગી ગયા હતા. ‘હું જાવ છું. અમે સાથે રહીશું, કામ હોય તો કહેજો તેવું પરિવારજનોને કહીને હિંમત ઘરેથી નીકળી ગયો હતો.આ મામલો ફરી સમાજના દરબારમાં પહોંચ્યો છે. વેવાઈએ કહ્યું કે, પત્નીએ મને સાથ ન આપ્યો પરંતુ હું મારી પ્રેમિકાને નહીં છોડી શકુ.
શું છે વેવાણ-વેવાઈની લવસ્ટોરી
આ લવલ્ટોરી બહુ પુરાણી છે. સુરતક અને નવસારીના બે યુવક યુવતીના લગ્ન થવાના હતા પરંતુ દીકરીની માતા અને દીકરાના પિતા વચ્ચે બચપણમાં અધુરો રહી ગયોલો પહેલો પ્રેમના અરમાનો જાગી ઉઠ્યા હતા અને પોતાના સંતાનોના લગ્ન કરાવવાની જગ્યાએ આ વેવાઈ-વેવાણ એકબીજા સાથે ઉજ્જૈન ભાગી ગયા હતા. સાથે રહીને બંને પરત ફર્યા હતા જેમાં વેવાણને તો પતિએ ઓળખવાની જ ના પાડી દેતા તેણે પોતાના પિયર જવું પડ્યું હતુ જ્યારે વેવાઈ પોતાના ઘરે પરત ફરી ગયા હતા. આ સ્ટોરી હાલ ઘર ઘરમાં જાણીતી થઈ ચુકી છે. જો કે હવે વેવાણ અને તેમના પતિ વચ્ચે સમાધાન થઈ ગયુ છે.
દીકરીના પિતાએ વિવાહ ફોક કર્યા હતા
નવસારીમાં રહેતી દીકરીના પિતાએ લગ્ન તો તોડી નાખ્યા પણ પોતાની દીકરીના લગ્ન માટે ચડાવેલા સોનાના દાગીના સહિતનો સામાન સુરત ખાતે રહેતા પોતાના સંબંધી પાસે મોકલી આપ્યો હતો. સંબંધીએ એક યુવકને આ સામાન વેવાઈને ત્યાં આપવા મોકલ્યો હતો.