IPLIN
 

ના હોય! / VIDEO : આ દિગ્ગજ ક્રિકેટરને LIVE શોમાં ઇનસલ્ટ કરીને કાઢી મુકાયો, અપમાન બાદ આપ્યું રાજીનામુ

Team VTV 02:33 PM, 27 Oct 21
Follow us
Veteran cricketer fired for insulting LIVE show

પાકિસ્તાનના પૂર્વ ફાસ્ટ બોલર શોએબ અખ્તર વિવાદોમાં ઘેરાઇ ગયો જ્યારે તેણે એક ટીવી કાર્યક્રમથી બહાર નીકળીને ક્રિકેટ વિશ્લેષકના રૂપમાં રાજીનામુ આપી દીધું હતું. 

  • લાઇવ શોમાં શોએબને બહાર કાઢી મુકાયો
  • શોએબની ઇનસલ્ટ કરીને કાઢી મુકાયો
  • શોના અન્ય ગેસ્ટ પણ ચોંકી ગયા હતા

આ હતી ઘટના
એક લાઇવ શો દરમિયાન શોએબ અખ્તરને PTV પર શોના હોસ્ટે તેને શો છોડીને જવા માટે કહી દીધું હતું. જે બાદ શોએબે ત્યાં જ માઇક ઉતાર્યુ અને શોમાંથી બહાર જતો રહ્યો હતો. 46 વર્ષના શોએબે કહ્યું કે ટી20 વર્લ્ડ કપમાં ન્યૂઝીલેન્ડ પર પાકિસ્તાનની પાંચ વિકેટે જીત થયા બાદ શોમાં હોસ્ટ દ્વારા તેની સાથે ખરાબ વ્યવહાર કરવામાં આવ્યો હતો. રાવલપિંડી એક્સપ્રેસ નામથી ફેમસ શોએબે પાકિસ્તાન માટે 46 ટેસ્ટ અને 163 વન ડે મૅચ રમી છે. શોના હોસ્ટ નોમાન નિયાઝે તેને પાછા બોલાવવાનો પ્રયત્ન પણ નહોતો કર્યો. તેણે કોઇ પ્રતિક્રિયા ન આપી અને સામાન્ય રૂપથી શોને ચાલું રાખ્યો હતો. 

 

 

અન્ય ગેસ્ટ ચોંકી ગયા

આ ઘટનાથી શોના બીજા ગેસ્ટ સર વિવિયન રિચર્ડ્સ, ડેવિડ ગોવર, રાશિદ લતીફ, ઉમર ગુલ, આકિબ જાવેદ અને પાકિસ્તાની મહિલાા ટીમની કપ્તાન સના મીર જેવા મહાન લોકો સ્પષ્ટ રૂપથી ચોંકી ગયા હતા. અખ્તરના વોક આઉટે સમગ્ર સોશ્યલ મીડિયા પર ભૂકંપ લાવી દીધો હતો. સાથે જ પીટીવી સ્પોર્ટ્સના હોસ્ટ નિયાઝને માફી માંગવાની માગ કરવામાં આવી રહી છે. નિયાઝ પીટીવી ખેલ વિભાગના પ્રમુખ છે. 

 

 

 

 

 

અખ્તરે પોતે જ કરી ટ્વિટ

અખ્તર અને શોના હોસ્ટ વચ્ચે થયેલી આ માથાકૂટનો વીડિયો સોશ્યલ મીડિયા પર ખુબ વાયરલ થઇ રહ્યો છે. આ ઘટના બાદ શોએબ અખ્તરે ટ્વિટ કરી હતી અને લખ્યું કે, સોશ્યલ મીડિયા પર આ ક્લિપ વાયરલ થઇ રહી છે તો હું સ્પષ્ટ કરી દઉ કે ડૉ. નોમાન ઘૃણિત અને અસભ્ય હતા. તેમણે મને શો છોડીને જવા માટે કહ્યું તે વિશેષ રૂપથી શરમજનક હતું. કારણકે તમારી જોડે સર વિવિયન રિચર્ડ્સ અને ડેવિજ ગોવર જેવા દિગ્ગજ છે. સાથે જ લાખો લોકો તમને જોઇ રહ્યાં છે. 
 

Shoaib Akhtar paistani talk show pakistan cricketers sports
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ