બોલીવૂડના દિગ્ગજ અભિનેતા દિલીપ કુમારને લઈને મોટા સમાચાર સામે આવ્યા છે. તેમની તબિયત બગડતા તેમને હોસ્પિટલમાં દાખલ કરવામાં આવ્યા છે.
દિલીપ કુમાર હોસ્પિટલમાં દાખલ
અભિનેતાને શ્વાસ લેવામાં તકલીફ થતા હોસ્પિટલ લઈ જવાયા
ડોક્ટર હાલ તેમની સારવાર કરી રહ્યાં છે
તમને જણાવી દઈએ કે, અભિનેતાને સ્વાસ્થ્ય સંબંધી કેટલીક પરેશાનીઓ થતાં તેમને રવિવારે મુંબઈના હિન્દુજા હોસ્પિટલમાં દાખલ કરવામાં આવ્યાં છે. એક્ટરને શ્વાસ લેવામાં તકલીફ થવાને કારણે હોસ્પિટલ લવાયા છે. અહીં ડોક્ટરો તેમના સ્વાસ્થ્ય પર નજર રાખી રહ્યાં છે. ડોક્ટર જલીલ પારકર 98 વર્ષીય એક્ટરનો ઈલાજ કરી રહ્યાં છે. આ પહેલાં પણ મેમાં દિલીપ કુમારને રૂટીન ચેકઅપ માટે હોસ્પિટમાં દાખલ કરવામાં આવ્યા હતા.
Veteran actor Dilip Kumar has been admitted to PD Hinduja Hospital in Mumbai. He was having breathing issues since past few days, says his wife Saira Banu pic.twitter.com/eNn4hfhELL
દિલીપ કુમારની પત્ની સાયરા બાનો તેમના ફેન્સને એક્ટરના હેલ્થ વિશે અપડેટ આપતી રહે છે. આ પહેલાં પણ જ્યારે દિલીપ કુમારને હોસ્પિટલમાં દાખલ કરવામાં આવ્યા હતા અને ડિસ્ચાર્જ કરવામાં આવ્યા હતા તો તેની જાણકારી સાયરાએ મીડિયાને આપી હતી. ગયા વર્ષે જ દિલીપ કુમારના બંને નાના ભાઈઓ અસલમ ખાન અને એહસાન ખાનનું કોરોનાને કારણે નિધન થયું હતું. જે બાદ તેમણે પોતાનો જન્મદિવસ અને મેરેજ એનિવર્સિરી સેલિબ્રેટ કરી નહોતી. સાયરા બાનો અને દિલીપ કુમાર બોલીવૂડના તે કપલ્સમાંથી એક છે ક જેમના પ્રેમને ઉદાહરણ તરીકે બતાવવામાં આવે છે. અભિનેતાના સ્વાસ્થ્યને કારણે તેમને હોસ્પિટલમાં દાખલ થવું પડ્યુ છે.
તમને જણાવી દઇએ કે, દિલીપકુમાર બોલિવૂડ એક્ટરની સાથે સાથે પ્રોડ્યૂસર પણ છે. દિલીપકુમાર હિન્દી સિનેમામાં પોતાના કામ માટે જાણીતા છે. તે 'ટ્રેજેડી કિંગ' અને 'ધ ફર્સ્ટ ખાન' તરીકે પણ ઓળખાય છે. દિલીપ કુમારે 1944 માં ફિલ્મ 'જુવાર ભાટા' થી શરૂઆત કરી હતી. 5 દાયકા સુધી ચાલેલી તેની કારકિર્દીમાં તેમણે લગભગ 65 ફિલ્મોમાં કામ કર્યું. તેમની 'અંદાઝ', 'બાબુલ', 'દિદાર', 'આન', 'દાગ', 'દેવદાસ', 'આઝાદ', 'નયા દૌર', 'યહૂદી', 'મધુમતી', 'કોહિનૂર' અને 'મુગલ- જેવી ફિલ્મો છે. 'એ-આઝમ' જેવી ફિલ્મ્સ માટે સારી રીતે ખૂબ જ લોકપ્રિય બન્યા છે.