ડિસ્ચાર્જ / બોલીવુડના દિગ્ગજ અભિનેતા ધર્મેન્દ્રની તબિયતમાં સુધારો આવતા બ્રીચ કેન્ડી હોસ્પિટલમાંથી આપવામાં આવી રજા

• બોલીવુડ અભિનેતા ધર્મેન્દ્રની તબિયત લથડી હતી
• ચાર દિવસથી આઈસીયુમાં હતા દાખલ 
• રવિવારે સવારે રજા મળી હોવાનો સૂત્રોનો દાવો
• સની દેઓલ હોસ્પિટલમં જઈને પિતા ધર્મેન્દ્રને મળ્યા હતા 

સદાબહાર અભિનેતા ધર્મેન્દ્રની તબિયત લથડી હતી અને તેમને આઈસીયુમાં દાખલ કરવામાં આવ્યાં હતા. તેઓ છેલ્લા ચાર દિવસથી આઈસીયુમાં ભરતી હતા. જોકે હવે તેમની તબિયત સુધરી રહી છે. ધર્મેન્દ્રને તબિયતમાં સુધારો આવતા બ્રીચ કેન્ડી હોસ્પિટલમાંથી રજા આપવામાં આવી છે. જેનો તેમણે વીડિયો પણ શેર કર્યો છે.

Friends, i have learnt the lesson 🙏 pic.twitter.com/F6u8mtnTUl

— Dharmendra Deol (@aapkadharam) May 1, 2022

ચાર દિવસની સારવારને અંતે રવિવારે સવાર મળી હોસ્પિટલમાંથી રજા 
રવિવારે સવારે તેમને આઈસીયુમાં રજા આપવામાં આવી હતી. તેમના પુત્ર અને અભિનેતા સની દેઓલ પિતાને મળવા હોસ્પિટલ ગયા હતા જે પછી તેમને રજા આપવામાં આવી હતી. 

84 વર્ષના છે અભિનેતા ધર્મેન્દ્ર
ધર્મેન્દ્ર હાલમાં 84 વર્ષના છે અને આટલી મોટી ઉંમરે પણ તેઓ ખૂબ સક્રિય છે. તેઓ સોશિયલ મીડિયા પર અવારનવાર પોતાના ફાર્મમાં કામ કરી રહેલી હાલતની તસવીરો શેર કરતા હોય છે. 

ચાહકો કરી રહ્યાં છે જલદી સાજા થવાની પ્રાર્થના
ધર્મેન્દ્રના ચાહકો લાખોની સંખ્યામાં છે. પોતાના લાડકા અભિનેતા બીમાર હોવાનું જાણમાં આવતા ચાહકો ચિંતાતુર થયા હતા અને તેમના જલદી સાજા થવાની પ્રાર્થના કરી રહ્યાં હતા. 

ધર્મેન્દ્ર પાસે અત્યારે ઘણા મોટા પ્રોજેક્ટ્સ
કામની વાત કરીએ તો ધર્મેન્દ્ર આ ઉંમરે પણ કામ પ્રત્યે એટલો જ ઉત્સાહી છે જેટલો તે પહેલા હતા. ધર્મેન્દ્ર પાસે અત્યારે ઘણા મોટા પ્રોજેક્ટ્સ છે. હાલ તેઓ 'અપને 2'ને લઈને ખાસ ચર્ચામાં છે. તમને જણાવી દઈએ કે આ ફિલ્મ 'અપને'ની સિક્વલ છે. આ ફિલ્મ 2007માં રિલીઝ થઈ હતી. આ ફિલ્મમાં સની દેઓલ, બોબી દેઓલ, ધર્મેન્દ્ર, શિલ્પા શેટ્ટી અને કેટરીના કૈફ જોવા મળ્યા હતા. આ સાથે જ 'અપને 2'માં સની દેઓલ, બોબી દેઓલ, ધર્મેન્દ્ર તેમજ તેનો પૌત્ર કરણ દેઓલ મહત્વની ભૂમિકામાં જોવા મળશે.