ભાગ્યે જ કોઈ ઘર એવું હશે જ્યાં કોકરોચની સમસ્યા ન થતી હોય, પરંતુ તમને જાણીને આશ્ચર્ય થશે કે, રશિયામાં એક વ્યક્તિ ઘરમાં પાળતૂ કોકરોચ રાખે છે અને તેના પાળતૂ કોકરોચને પ્રસવ દરમિયાન પીડા થવા પર તેને જીવ-જંતુઓના ડોક્ટર પાસે સારવાર માટે લઈ ગયો હતો અને ડોક્ટર પાસે તેની સર્જરી કરાવી ગર્ભસ્થ કોકરોચનો જીવ બચાવ્યો છે. ચાલો જાણીએ આ સર્જરી વિશે.
આ ઘટના સાઈબેરિયાના લિમ્પોપોની છે
રશિયન દેશ સાઈબેરિયાના ક્રાસ્નોયાર્સ્કના લિમ્પોપોમાં એક વ્યક્તિએ કોકરોચનો ઉછેર કર્યો હતો. આ કોકરોચ ગર્ભવતી હતી, પરંતુ તેનો કોકૂન (એગ) બહાર આવી શક્યો ન હતો.
અસ્વસ્થ કોકરોચ જોઈ પરેશાન થયો માલિક
કોકરોચને અસ્વસ્થ જોઈને તેનો માલિક પરેશાન થઈ ગયો અને તેને તાત્કાલિક એક વેટનરી ક્લીનિકમાં લઈ ગયો. જ્યાં તેને જોઈને ડોક્ટરને પણ આશ્ચર્ય થયું, પરંતુ તેણે કોકરોચની સારવાર કરવાનો ઇન્કાર ન કર્યો.
It would have been much easier to buy a new cockroach, but the owner didn’t give up on his pet & took it to a vet
પાળતૂ માદા કોકરોચ તેના કોકૂનને શરીરમાંથી બહાર કાઢવામાં સક્ષમ નહોતી, જેથી ઘણાં સમયથી તેને પરેશાની થઈ રહી હતી. તેની સારવાર માટે ડોક્ટરે તેને પહેલાં બેભાન કરવાની દવા આપી.
કોકરોચની નેનો સર્જરી
કોકરોચને સ્થાનિક એનેસ્થેસિયા અને દુખાવાની દવા આપ્યા પછી ડોકટરોએ કોકૂન દૂર કર્યું. જો આ ઈલાજમાં વધુ સમય લાગતો તો કોકરોચને ઈન્ફેક્શનનો ખતરો વધી જતો. જેના કારણે કોકરોચ અને કોકૂન બંને ખતમ થઈ જાય. પણ કોકૂન બહાર આવ્યા બાદ કોકરોચે રાહતના શ્વાસ લીધા અને તેની હાલત સામાન્ય થઈ ગઈ અને તે હરવા-ફરવા લાગી.
કોકરોચનો માલિક ભાવુક થયો
કોકરોચનો માલિક ડોક્ટરની મદદથી ભાવુક થઈ ગયો અને આ ઓપરેશનનો વીડિયો પણ બનાવ્યો. જે સોશિયલ મીડિયા પર ઘણો જ વાયરલ થઈ રહ્યો છે.