અમેરિકાની એમેઝોન નદીમાં જોવા મળતી માછલી વલસાડના જૂજવા ગામે ઓરંગા નદીમાં જોવા મળી હતી.
વલસાડની ઓરંગ નદીમાં જોવા મળી દુર્લભ માછલી
શકર માઉથ કેટફિશ નામની માછલી જોવા મળતા કુતૂહુલ
માછલી પકડવા નાખેલી જાળમાં માછલી પકડાઈ
વલસાડના જૂજવાં ગામે દુર્લભ માછલી દેખાતા લોકોમાં કુતુહલ સર્જાયું હતું. મોટા ભાગે અમેરિકાની એમેઝોન નદીમાં જોવા મળતી દુર્લભ માછલી ઔરંગા નદીમાંથી મળી આવી હતી. માછલી પકડવા ગયેલા યુવકે નદીના પાણીમાં જાળ નાખી હતી આ દરમિયાન દુર્લભ માછલી પકડાઈ હતી. આ અંગે લોકોને જાણ થતાં આ માછલીને જોવા માટે મોટી સંખ્યામાં લોકો દોડી ગયા હતા.
વલસાડના જૂજવા ગામની ઘટના
જૂજવા ગામે નિલેશ રમેશ નાયકા નામના યુવાન ગંગાજી ફળિયામાં ઔરંગા નદીમાં માછલી પકડતો હતો. આ દરમિયાન તેની જાળમાંથી દુર્લભ માછલી મળી આવી હતી. જે માછલીનું નામ સકર માઉથ કૈટ ફિશ હોવાનું જણાઈ રહ્યું છે. જેને અત્યંત દુર્લભ ગણવામા આવે છે. આ દુર્લભ માછલી હજારો કિલોમીટર દુર સાઉથ અમેરિકાના એમેઝોન નદીમાં જોવા મળે છે. ઉલ્લેખનીય છે કે અગાઉ આ માછલી યુપીના વારાણસી નજીક ગંગા નદીમાં જોવા મળી હતી.