ચોમાસું / ગુજરાતમાં સાત દિવસ ભૂક્કા કાઢશે વરસાદ..! આ જિલ્લાઓમાં અપાયું એલર્ટ, જાણો આગાહી

વરસાદને લઈ હવામાન વિભાગ ફરી એકવાર આગાહી કરી છે. આગામી સાત દિવસ ફરી વરસાદની શક્યતાઓ વ્યક્ત કરાઈ છે. સાથો સાથ કેટલાક વિસ્તારોમાં એલર્ટ અપાયું છે.

બે દિવસ રાજ્યમાં ગાજવીજ સાથે વરસાદની સંભાવના

સુરત, નવસારી, વલસાડ, દમણ અને દાદરા નગર હવેલીમાં અતિ ભારે વરસાદની આગાહી કરાઈ જેને લઈ એલર્ટ અપાયું છે. બનાસકાંઠા, સાબરકાંઠા, અરવલ્લી, ખેડા અને તાપીમાં અતિભારે વરસાદની શક્યતા છે. ઉલ્લેખનીય છે કે, આગામી બે દિવસ રાજ્યમાં ગાજવીજ સાથે વરસાદની સંભાવના વ્યક્ત કરાઈ છે.

આ પણ વાંચો: હોટેલમાં દરોડા દરમિયાન રશિયન યુવતીની CID ક્રાઇમ સાથે બબાલ, પોલીસ સાથે કરી મારામારી

રાજસ્થાનમાં લો પ્રેશર બનતા વરસાદની આગાહી

દક્ષિણ ગુજરાતમાં ઑફશોર ટ્રફ અને રાજસ્થાનમાં લો પ્રેશર બનતા રાજ્યમાં વરસાદ પડી શકે છે. અમદાવાદમાં આજે ગાજવીજ સાથે છૂટાછવાયા ભારે વરસાદની આગાહી કરાઈ છે. 4 ઓગસ્ટે દક્ષિણ ગુજરાતના જિલ્લામાં વરસાદની આગાહી કરવામાં આવી છે. 4 ઓગસ્ટના નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, દાદરા નગર હવેલીમાં ભારેથી અતિભારે ભારે વરસાદની આગાહી કરવામાં આવી છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ