ધનલાભ / દિવાળી પર આ રાશિના જાતકો પર ખૂબ થશે ધનવર્ષા! તુલા રાશિમાં શુક્રના ભ્રમણની થશે અસર

• શુક્રનો તુલા રાશિમાં 18 ઑક્ટોબરના પ્રવેશ 
• સૂર્ય સાથેનો તેનો સંયોગ  વધતાં થશે ધનલાભ
• મેષ સહિત વૃષભ, કર્ક, કન્યા અને તુલા રાશિને થશે ફાયદા

શુક્ર ગોચર તુલા: 18 ઑક્ટોબરનાં રોજ શુક્ર તુલા રાશિમાં પ્રવેશી સૂર્ય અને કેતુથી સંયોગ કરવાનો છે. આ સાથે જ તુલા રાશિમાં મળતાં શુક્ર પોતાની રાશિમાં સંચાર કરી અતિ મજબૂત સ્થિતિમાં આવશે. આ ઘટના દરમિયાન જ ધનતેરસ અને દિવાળી જેવા પવિત્ર તહેવારો ઉજવવામાં આવશે. તુલા રાશિમાં શુક્રનો ત્રિગ્રહી યોગ બનવાને લીધે મેષ સહિત 5 રાશિઓ  માટે શુક્રનું તુલામાં સંચાર અતિ લાભદાયી હશે.

મેષ રાશિ પર શુક્ર ગોચરનો પ્રભાવ
આ ગોચરનાં શુભ પ્રભાવથી મેષ રાશિ જાતકોને કરિયરમાં મોટો લાભ થશે. આ દરમિયાન બોસ અને અધિકારીઓ સાથે તમારાં સારાં સંબંધ રહેશે. જે લોકો વ્યપાર સાથે સંકળાયેલ છે તેને પણ આ ગોચર વિશેષ લાભ આપશે.  તમે કોઇ મોટી ડીલ પણ કરી શકો છો જે તમને ભવિષ્યમાં ઘણી લાભદાયી રહેશે.  આ સિવાય પૈતૃત સંપત્તિથી પણ તમને લાભ થઇ શકે છે. લગ્નજીવનમાં શુક્રનો પ્રભાવ રહેવાથી સુખમાં વધારો થઇ શકે છે. પાર્ટનર સાથે ક્યાંક રોમેન્ટિક ડીનર પર પણ જઇ શકો છો. જાતકોએ શુક્રવારે 7 પ્રકારના અનાજનું દાન કરવું. 

વૃષભ રાશિ પર શુક્ર ગોચરનો પ્રભાવ
શુક્રનો આ ગોચર તમારા જીવનમાં ધન કમાવવાનો નવો અવસર લાવશે. તમે જે વસ્તુને મેળવવા માટે લાંબા સમયથી પ્રયત્ન કરી રહ્યાં હશો તે તમને આ સમયે પ્રાપ્ત થશે. આર્થિકરૂપે તમારે ધનની હાલ બચત કરવી જરૂરી છે. લગ્નજીવનમાં શાંતિ જળવાશે અને કોઇપણ પ્રકારના તર્ક-વિતર્ક કરવાથી બચવું. મુખવાસ, મધ અને મસૂરની દાળનું સેવન આ સમયગાળા દરમિયાન વધુ કરવું. 

કર્ક રાશિ પર શુક્ર ગોચરનો પ્રભાવ
કર્ક રાશિ જાતકો માટે આ ગોચર અતિ શુભકારી માનવામાં આવે છે.  આ ગોચરનાં પ્રભાવથી તમે તમારાં ઘરને શણગારવા અને સુંદર બનાવવા માટે ખર્ચ કરી શકો છો.  આ દિપાવલીનો શુભ પર્વ પર તમને વાહનનું સુખ પ્રાપ્ત થઇ શકે છે. જે લોકો ધંધા-રોજગાર સાથે જોડાયેલા છે તેમને આ ફેસ્ટિવ સિઝનમાં ધાર્યાં કરતાં વધુ નફો થઇ શકે છે.  આ સમયે તમારે મહેનત કરવામાં પાછળ પડવું નહીં.  મહેનતના ફળ સ્વરૂપે તમને ધનલાભ થવાની સંભાવના છે. પ્રેમ વિષયમાં પણ આ ગોચરથી ઘણાં સારાં દિવસો રહી શકે છે. આ જાતકોએ દરેક શુક્રવારે ચણાંની દાળ અને હળદરને કૂવાંમાં નાખવું.

કન્યા રાશિ પર શુક્ર ગોચરનો પ્રભાવ
કન્યા રાશિ જાતકો માટે આ ગોચર દરેક પ્રકારનાં ભૌતિક સુખોમાં વૃદ્ધિ કરનાર માનવામાં આવે છે.  આ દરમિયાન તમારાં સંચિત ધનમાં વૃદ્ધિ થવાની શક્યતા છે.  તમને પૈસાની બચત કરવામાં પણ સફળતા પ્રાપ્ત થશે.  તમારી  આર્થિક સ્થિતિમાં સુધાર આવી શકે છે અને તમારાં અટકાયેલા પૈસાં તમને પાછાં મળી શકે છે.  આ જાતકોએ દરેક શુક્રવારે જરૂરિયાતમંદ લોકોને ખાંડ અને ગોળ જેવી વસ્તુઓ દાન કરવી. 

તુલા રાશિ પર શુક્ર ગોચરનો પ્રભાવ
આ ગોચરથી તમારી આર્થિક સ્થિતિમાં સુધાર આવશે અને તમે પહેલા કરતાં વધુ ધનની બચત કરી શકશો. સંભવત: તમને એક કરતાં વધુ આવકનાં સ્ત્રોત મળી શકે છે. તમારી પર્સનલ અને પ્રોફેશનલ લાઇફમાં આ દરમિયાન તમે સકારાત્મક બદલાવ જોઇ શકો છો. તમે આ સમયે જ્યાં પણ મૂડીરોકાણ કરશો ત્યાં તમને ભવિષ્યમાં સારો લાભ થશે. પ્રેમ સંબંધમાં આ ગોચર તમને સકારાત્મક પરિણામ આપશે અને પ્રેમીજન સાથે આ દરમિયાન લગ્ન કે સગાઇનો શુભ પ્રસંગ થઇ શકે છે.  જાતકોએ કાળી ગાય કે ઘોડાને દરરોજ રોટલી ખવડાવવી.