મહામારી / કેવી કરુણતા ! 50 વર્ષ જે હોસ્પિટલમાં સેવા આપી ત્યાં વેન્ટિલેટર પણ ન મળ્યું, ડોક્ટર પત્નીની સામે થયું ડોક્ટરનું મોત

• પ્રયાગરાજના 85 વર્ષીય ડોક્ટર જેકે મિશ્રાને કોરોના થયો 

• 

  સ્વરુપરાની હોસ્પિટલમાં ન મળ્યા ડોક્ટર કે ન મળ્યું વેન્ટિલેટર 
• ડોક્ટર જેકે મિશ્રા 50 વર્ષ સુધી સ્વરુપરાની હોસ્પિટલની સેવા કરી 

એક અત્યંત આઘાતજનક ઘટનામાં પ્રયાગરાજના 85 વર્ષીય ડોક્ટર જેકે મિશ્રાને કોરોના થયો અને તેમણે શહેરની સ્વરુપરાની હોસ્પિટલમાં ન મળ્યા ડોક્ટર કે ન મળી વેન્ટિલેટરની સુવિધા અને અંતે જે થવાનું હતું તે થયું. ડોક્ટર જેકે મિશ્રા પત્નીની આંખ સામે જ મોતને ભેટ્યા. સૌથી ચોંકાવનારી વાત તો એ છે કે ડો.મિશ્રાએ 50 વર્ષ સુધી સ્વરુપરાની હોસ્પિટલમાં સેવાઓ આપી હતી અને ખુદ જ્યારે બીમાર પડ્યાં ત્યારે કોઈએ પણ તેમની સામું ન જોયું અને અંતે તેઓ મોતને ભેટ્યાં. 

જેકે મિશ્રાના પત્ની ડો. રમા મિશ્રા પણ કોરોના સંક્રમિત 

જેકે મિશ્રાના પત્ની ડો. રમા મિશ્રા કે જેઓ મહિલા રોગ વિશેષજ્ઞ છે તેમને પણ કોરોના થયો હતો, તેમને પણ હોસ્પિટલમાં જરુરી સારવાર ન મળી. 13 એપ્રિલે તેઓ રાતભર ફર્શ પર તડપતા રહ્યાં હતા. 

ડોક્ટર હોવા છતાં પતિની કોઈ મદદ ન કરી શકે-પત્ની રમા મિશ્રાનો અફસોસ

ડો. રમા મિશ્રાએ લાચારીભર્યા સૂરમાં જણાવ્યું કે ડોક્ટર હોવા છતાં પણ હું તેમની કોઈ મદદ ન કરી શકી. 13 એપ્રિલ ડો.મિશ્રાનું ઓક્સિજન લેવલ સતત ઓછું થઈ રહ્યું હતું. 16 એપ્રિલે તો તેમની તબિયત વધારે ખરાબ થઈ. તેથી એક વધારાનું ઉપકરણ લગાવાયું ત્યારે તેમના શ્વાસ અટકવા લાગ્યા હતા. ત્યાર બાદ અમે આ ઉપકરણને હટાવી લીધું પરંતુ કફમાંથી લોહી આવવા લાગ્યું. મેં બૂમો પાડી કે કંઈક કરો, તેમને વેન્ટિલેટર પર રાખો, પરંતુ ડોક્ટરે કહ્યું કે અહીં વેન્ટિલેટર નથી.