ઈશારો / સેહવાગ અને યુવરાજને પણ ટીમમાંથી કાઢવામાં આવેલા, વિરાટ કોહલીના ફોર્મ મુદ્દે વધુ એક પૂર્વ ક્રિકેટરે રોકડું પરખાવ્યું

• કપિલ દેવ બાદ હવે વેન્કટેશ પ્રસાદે પણ વિરાટને લઇને કોમેન્ટ કરી
• ભારતીય ટીમે હવે વિકલ્પ તપાસવા જોઈએ
• આઉટ ઑફ ફોર્મ થયા પછી ખેલાડીને ડ્રોપ કરી દેવામાં આવે છે

હવે ભારતીય ટીમના આ પૂર્વ સ્ટારે પણ કોહલીની કરી ટીકા

પહેલા પૂર્વ કેપ્ટન  કપિલ દેવે વિરાટ કોહલી પર સવાલ ઉઠાવ્યાં અને હવે ભારતીય ટીમના પૂર્વ સ્ટાર વેન્કટેશ પ્રસાદનુ નામ પણ તેમાં જોડાઈ ગયુ છે. વેન્કટેશ પ્રસાદે ઈંગ્લેન્ડ સામેની સમાપ્ત થયેલી ત્રીજી ટી-20 બાદ ટ્વિટર પર વિરાટ કોહલીના નામ લીધા વગર ટીકા કરી. વેન્કટેશ પ્રસાદે લખ્યું કે જ્યારે તમે આઉટ ઑફ ફોર્મ હોવ ત્યારે તમને ટીમમાંથી ડ્રોપ કરી દેવામાં આવે છે પછી ભલેને તમે કોઈ પણ હોય. સૌરવ ગાંગુલી, વિરેન્દ્ર સહેવાગ, યુવરાજ સિંહ, ઝહીર ખાન, હરભજન સિંહ બધાને ડ્રોપ કરી દેવામાં આવ્યાં છે. જ્યારે તેઓ ફોર્મમાં નહોતા રમતા. આ બધા ખેલાડીઓએ ઘરેલુ ક્રિકેટમાં વાપસી કરી, રન બનાવ્યાં અને ફરીથી ભારતીય ટીમમાં  પાછા આવ્યાં.

There was a time when you were out of form, you would be dropped irrespective of reputation. Sourav, Sehwag,Yuvraj,Zaheer, Bhajji all have been dropped when not in form. They have went back to domestic cricket, scored runs and staged a comeback. The yardsticks seem to have 1/2

— Venkatesh Prasad (@venkateshprasad) July 10, 2022

Changed drastically now, where there is rest for being out of form. This is no way for progress. There is so much talent in the country and cannot play on reputation. One of India’s greatest match-winner, Anil Kumble sat out on so many ocassions, need action’s for the larger good

— Venkatesh Prasad (@venkateshprasad) July 10, 2022

અનિલ કુંબલે પણ થયા હતા 'આઉટ'

પૂર્વ ક્રિકેટરે લખ્યું કે પરંતુ હવે લાગે છે કે બાબતો હવે બદલાઈ ગઇ છે. હવે આઉટ ઑફ ફોર્મ થતા તમને આરામ આપવામાં આવે છે. આ આગળ વધવાની કોઈ તક નથી. દેશમાં ખૂબ ટેલેન્ટ છે અને તમે માત્ર નામના કારણે ક્રિકેટ રમી ના શકો. ભારતના સૌથી શ્રેષ્ઠ મેચ વિનરમાંથી એક અનિલ કુંબલેને પણ અનેક વખત બહાર થવુ પડ્યુ હતુ.  

વિરાટ કોહલી નબળા ફોર્મથી ઝઝૂમી રહ્યાં છે

ઉલ્લેખનીય છે કે ભારતીય ટીમના પૂર્વ કેપ્ટન વિરાટ કોહલી લાંબા સમયથી નબળા ફોર્મથી ઝઝૂમી રહ્યાં છે. વિરાટ કોહલીએ ઈંગ્લેન્ડ સામે બે ટી-20 મેચ રમી. જેમાં બીજી ટી-20માં તેમણે એક અને ત્રીજી ટી-20માં માત્ર 11 રન બનાવ્યાં.