ભારતીય ટીમે એબી ડીવિલયર્સ જેવા ધુરંધર બેટ્સમેન શોધી લીધો છે. તમે ચોંકી ગયા ને.. ભારતનો એબી ડીવિલયર્સ આખરે કોણ છે?
આ છે ભારતીય ટીમનો એબી ડિવિલયર્સ
IPL 2021માં કલકત્તા નાઈટ રાઈડર્સ તરફથી રમે છે
જસપ્રીત બુમરાહ અને ટ્રેન્ટ બોલ્ટ જેવા બોલરોનો કર્યો સફાયો
ભારતના ડીવિલયર્સ બનીને સામે આવેલા વેન્કટેશ ઐયરે IPL 2021માં કલકત્તા નાઈટ રાઈડર્સ તરફથી તાબડતોબ બેટીંગ રમી જસપ્રીત બુમરાહ અને ટ્રેન્ટ બોલ્ટ જેવા વર્લ્ડ ક્લાસ બોલરોનો સફાયો કર્યો છે. મધ્ય પ્રદેશ માટે ડોમેસ્ટિક ક્રિકેટ રમનારા વેન્કટેશ ઐયરે ઝંઝાવાતી બેટીંગથી દરેક ક્રિકેટ પ્રેમીઓને પ્રભાવિત કર્યા છે.
ભારતે મળ્યો આ ઝંઝાવાતી બેટ્સમેન
વેન્કટેશ ઐયરે જસપ્રીત બુમરાહ, એડમ મિલ્ને અને ટ્રેન્ટ બોલ્ટ જેવા ઝડપી બોલરોને એવી રીતે ધોયા હતા. જાણે કે પોતે એબી ડીવિલયર્સ બેટિંગ કરી રહ્યો છે. વેન્કટેશ ઐયરે 30 બોલમાં 4 ચોગ્ગા અને 3 છગ્ગાની મદદથી 53 રન ફટકાર્યા. વેન્કટેશ ઐયરને IPL 2021ના પ્રથમ તબક્કામાં રમવાની તક મળી નહીં. પરંતુ કોરોના પૂર્ણ થયા બાદ IPL 2021ના બીજા તબક્કાની શરૂઆત થઇ. વેન્કટેશ ઐયરના નસીબે વળાંક લીધો અને ઐયરને 20 સપ્ટેમ્બર 2021ના રોજ રોયલ ચેલેન્જર્સ બેંગ્લોરની સામે IPL ડેબ્યુ કરવાની તક મળી.
પોતાની પ્રથમ IPL મેચમાં ઐયરે એક છગ્ગો અને સાત ચોગ્ગાની મદદથી 27 બોલમાં 41 રનની અણનમ ઈનિંગ રમી અને પોતાની કુશળતાથી સૌને પ્રભાવિત કર્યા. પ્રથમ મેચમાં વેન્કટેશ ઐયર પચાસ રન બનાવી શક્યા નહોતા. પરંતુ તેની ભરપાઈ તેમણે બીજી મેચમાં કરી. 23 સપ્ટેમ્બરે મુંબઈ ઈન્ડિયન્સ સામે રમાયેલી મેચમાં ઐયરે ફરીથી એક આક્રમક ઈનિંગ રમી અને આ વખતે પણ પોતાની ટીમમાં મહત્વનું યોગદાન નિભાવ્યું. ઐયરે ઈનિંગના પ્રારંભ થી જ ટ્રેન્ટ બોલ્ટને જબરો ધોબીપછાડ આપ્યો. ત્યારબાદ ઐયરે પાછું વળીને જોયુ નથી અને અંદાજે 30 બોલમાં 53 રનની સારી ઈનિંગ રમી.