IPLIN
 
  • Home
  • India
  • Venkaiah Naidu got emotional and started crying during his farewell speech

રાજ્યસભા / બળદે પેટમાં શિંગડુ મારતા મહિલાનું મોત થયું, તેમના ખોળામાં જે બાળક હતું તે વેંકૈયા નાયડું હતાઃ સાંસદ ડેરેક

Team VTV 05:04 PM, 08 Aug 22
Follow us
Venkaiah Naidu got emotional and started crying during his farewell speech

ટીએમસી સાંસદ ડેરેક ઓ બ્રાયને વિદાય ભાષણ આપ્યા બાદ એમ વેંકૈયા નાયડુ ખૂબ જ ભાવુક થઈ ગયા

  • રાજ્યસભાના અધ્યક્ષ એમ વેંકૈયા નાયડુને વિદાય આપવામાં આવી 
  • TMC સાંસદના વિદાય ભાષણ દરમ્યાન ભાવુક થઈ રડવા લાગ્યા વેંકૈયા નાયડુ
  • TMC સાંસદ ડેરેક ઓ'બ્રાયને વેંકૈયા નાયડુના બાળપણની વાત કરતાં તેઓ આંસુ રોકી ન શક્યા 

રાજ્યસભાના અધ્યક્ષ એમ વેંકૈયા નાયડુને આજે એટલે કે, સોમવારે વિદાય આપવામાં આવી હતી. આ દરમ્યાન પીએમ મોદી અને વિપક્ષના નેતા મલ્લિકાર્જુન ખડગે સહિત તમામ નેતાઓએ વિદાય ભાષણ આપ્યું હતું. જોકે આજે ટીએમસી સાંસદ ડેરેક ઓ બ્રાયને પોતાનું ભાષણ આપ્યું જેનાથી એમ વેંકૈયા નાયડુ ખૂબ જ ભાવુક થઈ ગયા હતા. 

ટીએમસી સાંસદ ડેરેક ઓ'બ્રાયને શું કહ્યું ? 

રાજ્યસભાના અધ્યક્ષ એમ વેંકૈયા નાયડુના વિદાય સમારંભમાં ટીએમસી સાંસદ ડેરેક ઓ'બ્રાયને અધ્યક્ષ વેંકૈયા નાયડુના બાળપણની વાર્તા સંભળાવતા કહ્યું કે, જ્યારે નાયડુ માત્ર એક વર્ષના હતા ત્યારે તેમની માતાનું અવસાન થયું હતું. ડેરેકે નાયડુના બાળપણની વાર્તા સંભળાવતા જણાવ્યું કે, ગામમાં એક પરિવાર હતો, જેમાં 8 બળદ હતા. એક દિવસ આ બળદમાંથી એક બળદ ભડકી ગયો અને તેણે મહિલા પર તેના પેટમાં શિંગડા વડે હુમલો કર્યો, તે દરમ્યાન તેના ખોળામાં એક વર્ષનું બાળક હતું, જે ત્યાં જ પડી ગયું અને મહિલાને હોસ્પિટલ લઈ જવામાં આવી, પરંતુ તેનું મોત નીપજ્યું. અને એક વર્ષ એ જ બાળક વેંકૈયા નાયડુ હતા.

વેંકૈયા નાયડુ ભાવુક થઈ ગયા

આ દરમિયાન વેંકૈયા નાયડુ ખૂબ જ ભાવુક થઈ ગયા અને રડવા લાગ્યા. જે બાદમાં નાયડુએ પોતાના આંસુ લૂછ્યા અને પોતાની જાતને સંભાળી લીધી. આટલું જ નહીં અધ્યક્ષ વેંકૈયા નાયડુની વિદાય પર પીએમ મોદીએ પણ ખૂબ જ ભાવુક વિદાય આપીને તેમના વખાણ કર્યા હતા. વડાપ્રધાને કહ્યું કે, તેઓ દેશના એવા ઉપરાષ્ટ્રપતિ છે, જેમણે તેમની તમામ ભૂમિકાઓમાં હંમેશા યુવાનો માટે કામ કર્યું અને હંમેશા ગૃહમાં યુવા સાંસદોને પ્રોત્સાહિત અને પ્રોત્સાહન આપ્યું. મોદી કહ્યું હતું કે, તમે દેશ અને ગૃહ માટે જે કર્યું છે તેની ઋણ સ્વીકારીને હું તમને ભવિષ્ય માટે ખૂબ ખૂબ શુભેચ્છા પાઠવું છું. 

Vice President Venkaiah Naidu vice president of India વેંકૈયા નાયડુ ટીએમસી સાંસદ ડેરેક ઓ'બ્રાયન વિદાય ભાષણ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ