પોલિસી / સ્ક્રેપેજ પોલિસીને લઈને મોદી સરકારની જાહેરાત, વાહન આપતા પહેલા માલિકો કાઢી શકશે આ પાર્ટ્સ, જુઓ લિસ્ટ

• દેશમાં દરેક જિલ્લામાં વાહન ફિટનેસ સેન્ટર કરાશે શરૂ
• વાહન માલિકો સ્ક્રેપમાં આપતા પહેલાં કાઢી શકશે પાર્ટસ
• કેન્દ્ર સરકારે પાર્ટસની યાદી કરી જાહેર

મંત્રાલય તરફથી પ્રોત્સાહક યોજના પણ કરાઈ જાહેર

વાહન માલિકો સ્ક્રેપેજ માટે તૈયાર કરવા માટે મંત્રાલય તરફથી કેટલીક પ્રોત્સાહક યોજના પણ જાહેર કરવામાં આવી છે. જોકે, માલિકો વાહનને સ્ક્રેપમાં આપતા પહેલા તેમાં ફરીથી કામમાં આવી શકે તેવા કેટલાક પાર્ટ્સ કાઢી શકે છે. તાજેતરમાં મંત્રાલય તરફથી એક ટ્વીટ કરીને આ અંગેની માહિતી આપવામાં આવી હતી.

કેન્દ્ર સરકારે જાહેર કરી યાદી

રોડ ટ્રાન્સપોર્ટ અને હાઇવેઝ મંત્રાલયના અધિકૃત હેન્ડલ પરથી કરવામાં આવેલા ટ્વીટ પ્રમાણે સ્ક્રેપમાં આપતા પહેલા વાહન માલિકો ગાડીના કેટલાક પોર્ટ્સ કાઢી શકે છે.નીચેના પાર્ટ્સનો ફરીથી ઉપયોગ કરવા માટે કાઢી શકાય છે.

 

#CircularEconomy #DrivingGrowth pic.twitter.com/BItPO1IWoJ

— MORTHINDIA (@MORTHIndia) August 27, 2021

1. સસ્પેન્સન
2. રેડિએટર
3. હેડલેમ્પસ
4. મડ ગાર્ડ
5. હેન્ડલ્સ
6. મીરર
7. સ્પ્રિંગ પ્લેટ્સ
8. વ્હીલ ડિસ્ક
9. એક્સલ

શું છે કેન્દ્રની વ્હીકલ સ્ક્રેપેજ પોલિસી?

પશ્ચિમી દેશોમાં આ પ્રકારની પોલિસી અમલી છે. ત્યાં વાહન નોંધણી સમયે જ પોલિસી અમલમાં આવી જાય છે. ભારતમાં પણ હવે આવું જ થશે. સામાન્ય રીતે પેસેન્જર વ્હીકલનું આયુષ્ય 15 વર્ષ અને કોમર્શિયલ વ્હીકલનું આયુષ્ય 10 વર્ષનું ગણવામાં આવે છે. આ સમયગાળા બાદ વાહનો અગાઉ કરતા વધુ ઝડપથી પર્યાવરણને પ્રદૂષિત કરવાનું શરૂ કરે છે. પશ્ચિમી દેશોમાં આવા જૂના વાહનોને સ્ક્રેપયાર્ડ્સમાં મોકલવામાં આવે છે. જ્યાં તેને તોડી નાંખવામાં આવે છે અને બોડી બનાવવા માટે વપરાયેલા સ્ટીલને રિસાયકલ કરવામાં આવે છે. અત્યારસુધી ભારતમાં આવી કોઈ નીતિ નહોતી. જેના કારણે મોટાભાગના વાહનો પર્યાવરણને પ્રદૂષિત કરી રહ્યા છે અથવા રોડની સાઈડમાં નકામા પડ્યા છે.