આજથી વાહનોને લગતા ઘણા નિયમોમાં બદલાવ કરવામાં આવ્યો છે,જે બદલાવની સીધી અસર લોકોના ખિસ્સા પર પડી શકે છે.
નવા નાણાકીય વર્ષથી વાહનના નિયમોમાં બદલાવ
ટોલ ટેક્ષમાં કરાયો વધારો
જુના વાહનો બદલાશે, નવાના ભાવ વધશે
આજથી શરૂ થયેલા નવા નાણાકીય વર્ષ 2023 24 ના ભાગરૂપે અનેક ક્ષેત્રમાં નવા નિયમો લાગુ કરી દેવામાં આવ્યા છે. જેના ભાગરૂપે વાહનના નિયમોમાં પણ બદલાવ કરવામાં આવ્યો છે. આ નિયમો બદલાતાની સાથે જ તમારા ખિસ્સા પર તેની અસર પડી શકે છે. ત્યારે કાર કે બાઈક ચલાવતા કોઈપણ વાહન ચાલકોએ આ નિયમ જાણવા જરૂરી બન્યા છે. વધતા જતા પ્રદૂષણને પગલે સરકાર દ્વારા નવા વર્ષથી પ્રદૂષણને ઘટાડવા માટે ઉત્સર્જનનો નિયમ વધુ કડક બનાવવામાં આવ્યો છે એટલે કે 31 માર્ચ સુધી દેશમાં bs 6 નો પ્રથમ તબક્કો ચાલતો હતો. જેનો મતલબ એવો છે કે અત્યાર સુધી ભારતમાં સ્ટેજ છ ઉત્સર્જન ધોરણો ચાલી રહ્યા હતા. જેને પગલે હવે આજથી આ નિયમનો બીજો તબક્કો એટલે કે ફેસ ટુ શરૂ કરવા જઈ રહ્યા છે. જેના ભાગરૂપે હવે કાર કે બાઈક ડીલરો નવા નીતિ નિયમને અનુસરીને ફક્ત અપડેટ વાહનો જ વેચી શકશે.
ટોલ ફીમાં વધારો કરાયો
આ ઉપરાંત નેશનલ હાઇવે કે એક્સપ્રેસ હાઈવે પર નેશનલ હાઈવે ઓથોરિટી ઓફ ઇન્ડિયાએ ટોલ રેટમાં 5-15 ટકાનો વધારો કરી નાખ્યો છે. જેના ભાગરૂપે સમગ્ર દેશમાં 500 થી વધુ હાઈવે અને લગભગ 18 એક્સપ્રેસ હાઈવે પર હવે ટોલની ફી માં વધારો કરતા વાહન ચાલકોએ ખીસુ ઢીલો કરવું પડશે. બીજી બાજુ આજથી દેશના ઘણા રાજ્યોમાં પેટ્રોલ પંપ પર ઇથેનોલ મિશ્રિત પેટ્રોલ વેચવાનું પણ શરૂ થઈ ગયું છે e20 પેટ્રોલમાં ૮૦ ટકા પેટ્રોલ હોય છે અને ૨૦ ટકા ઇથેનોલ હોય છે. જે શેરડી અને મકાઈ જેવા પાકમાંથી તૈયાર કરવામાં આવે છે. પરિણામે ઇથેનોલના ઉપયોગથી ઈંધણની આયાત પરથી નિર્ભરતા ઘટી શકે તેવા ઉજળા સંજોગો જોવા મળી રહ્યા છે.
જુના વાહનો બદલાવાશે
સાથે સાથે જુના વાહનોના સરકારી વાહનો પણ હટાવવામાં આવશે. બજેટ 2023 માં જુના સરકારી વાહન અને હટાવવાની યોજના નવા નાણાકીય વર્ષમાં લાગુ કરી દેવામાં આવી શકે છે. કેન્દ્રને રાજ્ય સરકારે તેમના જુના વાહનોને તબક્કાવાર બંધ કરશે. તેની જગ્યાએ નવા વાહનો લાવવામાં આવશે. જેમાં ઇલેક્ટ્રોનિક વાહનોનો પણ આવી શકે છે.
વાહન ખરીદવા થશે મોંઘા
બીજી તરફ આજથી જ વાહનોની ખરીદીમાં મોંઘવારીનો માર નડી શકે છે. એપ્રિલ માસથી મારુતિ સુઝુકી, હોન્ડા, ટાટા મોટર્સ, મર્શિડિઝ બેનઝ, bmw, ટોયોટા સહિતની મોટી કંપનીઓએ પોતાની કારની કિંમતમાં વધારો કરવા નિર્ણય કરી લીધો છે. જેના ભાગરૂપે કારની કિંમતમાં 50000 રૂપિયા સુધીનો વધારો થઈ શકે છે. ઉપરાંત બાઈક અને સ્કૂટર પણ મોંઘા થશે.